അങ്കമാലി: പുണ്യജീവിതംകൊണ്ടും സഹോദര സ്നേഹംകൊണ്ടും മാതൃകയായ സി.എസ്.ടി (CST) സഭാ സ്ഥാപകൻ ഫാ. ബസീലിയൂസ് പാണാട്ടിന്റെ 50-ാമത് ചരമവാർഷിക അനുസ്മരണ ചടങ്ങുകൾ മൂക്കന്നൂരിൽ നടന്നു. അഖിലലോക മിഷൻ മധ്യസ്ഥയായ ലിസ്യൂവിലെ വിശുദ്ധ കൊച്ചുത്രേസ്യായുടെ നാമത്തിൽ അദ്ദേഹം തുടക്കം കുറിച്ച ‘ചെറുപുഷ്പ സഭ’ ഇന്ന് ലോകമെമ്പാടും സേവനപ്രവർത്തനങ്ങൾ നടത്തിവരികയാണ്.
- പൊതുസമ്മേളനം: മൂക്കന്നൂരിൽ നടന്ന പൊതുസമ്മേളനം ഗോരഖ്പൂർ രൂപതാധ്യക്ഷൻ മാർ മാത്യു നെല്ലിക്കുന്നേൽ സി.എസ്.ടി ഉദ്ഘാടനം ചെയ്തു. സഭാ സുപ്പീരിയർ ജനറൽ ഫാ. ജോജോ ജോസഫ് വരകുകാലായിൽ സി.എസ്.ടി അധ്യക്ഷത വഹിച്ചു.
- പുസ്തക പ്രകാശനവും പ്രഭാഷണവും: ബിഷപ്പ് എമരിറ്റസ് മാർ തോമസ് ചക്യത്ത് അനുഗ്രഹപ്രഭാഷണവും പുസ്തക പ്രകാശനവും നിർവ്വഹിച്ചു. എറണാകുളം-അങ്കമാലി അതിരൂപതാ വികാരി ജനറാൾ ഫാ. ജോസ് പുതിയേടത്ത് മുഖ്യപ്രഭാഷണം നടത്തി.
- പ്രമുഖരുടെ സാന്നിധ്യം: മുഖ്യമന്ത്രി വി.ഡി. സതീശന്റെ ആശംസാസന്ദേശം ചടങ്ങിൽ വായിച്ചു. ബിഷപ്പ് എമരിറ്റസ് മാർ തോമസ് തുരുത്തിമറ്റം, ഫാ. അഗസ്റ്റ്യൻ പായിക്കാട്ട്, സിസ്റ്റർ ആനി റോസ്, ഫാ. ബെന്നി നൽകര, മൂക്കന്നൂർ ഗ്രാമപഞ്ചായത്ത് പ്രസിഡന്റ് ജയ രാധാകൃഷ്ണൻ തുടങ്ങിയവർ സംസാരിച്ചു.
- പ്രത്യേക ചടങ്ങുകൾ: അങ്കമാലി മൂക്കന്നൂരിലെ കബറിടത്തിൽ ഫാ. ജോജോ ജോസഫിന്റെ നേതൃത്വത്തിൽ ഒപ്പീസ ചൊല്ലി പ്രാർത്ഥിച്ചു. തുടർന്ന് മൂക്കന്നൂർ ബേസിൽ ആശ്രമഭവൻ ദേവാലയത്തിൽ ആർച്ച് ബിഷപ്പ് മാർ ജോസഫ് പാംപ്ലാനിയുടെ മുഖ്യകാർമ്മികത്വത്തിൽ 50 വൈദികർ അണിനിരന്ന പ്രത്യേക ദിവ്യബലി അർപ്പിച്ചു.
- വയോധികരെ ആദരിച്ചു: ഫാ. ബസീലിയൂസുമായി അടുത്ത ബന്ധമുണ്ടായിരുന്ന നൂറോളം വയോധികർക്ക് കുടകൾ നൽകി ആദരിച്ചു.
