വാഷിംഗ്ടൺ: ഇറാന്റെ സമ്പദ്വ്യവസ്ഥ തകരുകയാണെന്നും തന്ത്രപ്രധാനമായ ഹോർമുസ് കടലിടുക്കിന്റെ നിയന്ത്രണം അമേരിക്കയുടെ കൈകളിലെത്തിയെന്നും അവകാശപ്പെട്ട് മുൻ യു.എസ് പ്രസിഡന്റ് ഡോണാൾഡ് ട്രംപ്. ഇറാനുമായി യാതൊരുവിധ ചർച്ചകൾക്കും അമേരിക്ക ശ്രമിക്കുന്നില്ലെന്ന് വ്യക്തമാക്കിയ ട്രംപ്, നിലവിലെ സാഹചര്യമാണ് താൻ കൂടുതൽ ഇഷ്ടപ്പെടുന്നതെന്നും കൂട്ടിച്ചേർത്തു. സ്വന്തം സോഷ്യൽ മീഡിയ പ്ലാറ്റ്ഫോമായ ‘ട്രൂത്ത് സോഷ്യലിൽ’ പങ്കുവെച്ച കുറിപ്പിലൂടെയായിരുന്നു ട്രംപിന്റെ പ്രതികരണം.
ഒരിടവേളയ്ക്ക് ശേഷം യു.എസും ഇറാനും തമ്മിലുള്ള നയതന്ത്ര-സൈനിക സംഘർഷങ്ങൾ വീണ്ടും രൂക്ഷമായ പശ്ചാത്തലത്തിലാണ് ട്രംപിന്റെ ഈ നിർണായക പ്രസ്താവന പുറത്തുവരുന്നത്.
