2026 ജൂൺ 15 തിങ്കൾ മിഥുനം 01
📰👉 സംസ്ഥാന സര്ക്കാര് പ്രഖ്യാപിച്ച ഇന്ദിരാ ഗ്യാരന്റി പദ്ധതിയുടെ ഭാഗമായി കെഎസ്ആര്ടിസി ഓര്ഡിനറി ബസുകളില് സ്ത്രീകള്ക്കും ട്രാന്സ്ജെന്ഡര് വിഭാഗത്തിനും നടപ്പാക്കുന്ന പ്രിയദര്ശിനി സൗജന്യ യാത്ര പദ്ധതി ഇന്നു രാവിലെ ഒന്പതിനു ശേഷം നിലവില്വരും.
📰👉 ലെയോ പതിനാലാമൻ മാർപാപ്പ സെപ്റ്റംബർ 25 മുതൽ 28 വരെ ഫ്രാൻസ് സന്ദർശിക്കും. 25ന് പാരീസിലെത്തുന്ന മാർപാപ്പ അന്നു വൈകുന്നേരം നൊത്ര് ദാം കത്തീഡ്രലിൽ നടക്കുന്ന സായാഹ്നപ്രാർഥനയ്ക്ക് നേതൃത്വം നൽകും.
📰👉 പൊന്മുടി എക്കോ ടൂറിസം കേന്ദ്രം തിങ്കളാഴ്ച (ജൂൺ 15) തുറക്കും. പ്രതികൂല കാലാവസ്ഥയിൽ മണ്ണിടിച്ചിൽ ഭീഷണിയെ തുടർന്നാണ് പൊന്മുടിയിലേക്ക് പ്രവേശനം നിരോധിച്ചിരുന്നത്.
📰👉 ബാങ്കുകളുമായുള്ള ധാരണപത്രം സർക്കാർ പുതുക്കാത്തതിനാൽ കുട്ടനാട്ടിലെ പുഞ്ചകൃഷിയിൽ സംഭരിച്ച നെൽ വില ലഭിക്കുന്നത് ഇനിയും വൈകും. എസ്ബിഐ, കനറബാങ്കുകളുടെ കൺസോർഷ്യവുമായി സപ്ലൈകോ പിആർഎസ് വായ്പയുടെ ധാരണാപത്രം വീണ്ടും ഒപ്പുവച്ചാലെ വില വിതരണം പുനഃരാരംഭിക്കാനാവൂ.
📰👉 യുഡിഎഫ് സർക്കാർ അധികാരത്തിലെത്തി ഒരു മാസത്തോളമായിട്ടും പ്രതിപക്ഷ നേതാവിന്റെ ഔദ്യോഗിക വസതിയായ കന്റോണ്മെന്റ് ഹൗസ് മുഖ്യമന്ത്രി വി.ഡി. സതീശൻ ഒഴിഞ്ഞു നൽകാത്തതിലെ അതൃപ്തി പ്രകടിപ്പിച്ച് പ്രതിപക്ഷ നേതാവ് പിണറായി വിജയൻ.
📰👉 കേന്ദ്ര സര്ക്കാര് നടപ്പാക്കുന്ന കുറഞ്ഞ നിരക്കിലുള്ള ഇന്ഷുറന്സ് പദ്ധതികള്ക്ക് അക്കൗണ്ടില് നിന്നും പണം ഈടാക്കിയിട്ടും ഇന്ഷുറന്സ് സംബന്ധിച്ചുള്ള രേഖകള് നല്കാത്തതിനെതിര പരാതിയുമായി പൊതുപ്രവര്ത്തകന് രംഗത്തെത്തിയതോടെ സര്ട്ടിഫിക്കറ്റുകള് ലഭ്യമാക്കി ബാങ്കുകള്.
📰👉 നെടുമ്പാശ്ശേരി വിമാനത്താവളത്തിന് സമീപം വിമാനം താഴ്ന്നുപറന്നതിനെ തുടർന്നുണ്ടായ ശക്തമായ കാറ്റിൽ വീടിന്റെ മേൽക്കൂര തകർന്നു. ശാന്തിനഗർ സ്വദേശി കാട്ടുപ്പറമ്പിൽ സൈമൺ കെ.ജെ.യുടെ വീടിനാണ് കേടുപാടുകൾ സംഭവിച്ചത്.
📰👉 ഇന്ത്യ സഖ്യത്തിന്റെ കെട്ടുറപ്പ് ഉത്തർപ്രദേശ് നിയമസഭാ തെരഞ്ഞെടുപ്പിലും പരീക്ഷിക്കാൻ കോൺഗ്രസും സമാജ്വാദി പാർട്ടിയും ഒരുങ്ങുന്നു. 2024ലെ ലോക്സഭാ തെരഞ്ഞെടുപ്പിൽ ഒന്നിച്ച് മത്സരിച്ചപ്പോൾ ഉണ്ടായ വൻ മുന്നേറ്റവും അപ്രതീക്ഷിത വിജയവുമാണ് വീണ്ടുമൊരു കൈകോർക്കലിന് ഇരുവിഭാഗങ്ങളെയും പ്രേരിപ്പിക്കുന്നത്.
📰👉 ഹോര്മുസ് കടലിടുക്കില് ഇന്ത്യന് പതാകയുള്ള 13 കപ്പലുകളിലായി കുടുങ്ങിക്കിടക്കുന്നത് 562 ഇന്ത്യന് നാവികര്. ഷിപ്പിംഗ് മന്ത്രാലയത്തിന്റെ കണക്കനുസരിച്ച്, ഇതില് 329 പേര് കടലിടുക്കിന് പടിഞ്ഞാറും 233 പേര് ഒമാന് ഉള്ക്കടലിലുമാണ് കുടുങ്ങിയിരിക്കുന്നത്.
📰👉 ഇറാൻ-യുഎസ് സമാധാന ധാരണ ഇന്ന് ഒപ്പുവയ്ക്കുമെന്ന് അമേരിക്കൻ പ്രസിഡന്റ് ഡോണൾഡ് ട്രംപ്. ധാരണ ഒപ്പിട്ടാൽ ഉടനടി ഹോർമുസ് തുറക്കും. സമ്പുഷ്ടീകരിച്ച യുറേനിയം അടക്കമുള്ള കാര്യങ്ങൾ ചർച്ച ചെയ്ത് 60 ദിവസത്തിനകം അന്തിമ കരാർ രൂപീകരിക്കും
