2026 ജൂൺ 09 ചൊവ്വാ ഇടവം 27
📰👉 രണ്ടാം ലോകമഹായുദ്ധകാലത്ത് നാസികളുടെ കൊടും പീഡനത്തിന് ഇരയായ ഒന്പത് സലേഷ്യൻ വൈദികരെ വാഴ്ത്തപ്പെട്ടവരായി പ്രഖ്യാപിച്ചു. പോളണ്ടിലെ ക്രാക്കോവിലെ വിശുദ്ധ ജോൺ പോൾ രണ്ടാമന്റെ ദേവാലയത്തില്വെച്ച് നടന്ന തിരുക്കര്മ്മങ്ങളില് വിശുദ്ധരുടെ കാര്യാലയത്തിന്റെ പ്രിഫെക്റ്റ് കർദ്ദിനാൾ മാർസെല്ലോ സെമെറാരോ മുഖ്യകാര്മ്മികനായി.
📰👉 ആന്ധ്രപ്രദേശിലെ വിശാഖപട്ടണം അതിരൂപതയുടെ മുന് ആര്ച്ച് ബിഷപ്പ് റവ. ഡോ. മല്ലവരപു പ്രകാശ് ദിവംഗതനായി. ഹൃദയ, ശ്വാസകോശ സംബന്ധമായ അസുഖങ്ങൾക്ക് വിശാഖപട്ടണത്തെ ആശുപത്രിയിൽ ചികിത്സയിലിരിക്കെ അന്ത്യം. 77 വയസ്സായിരിന്നു.
📰👉 മാഡ്രിഡിലെ തെരുവു വീഥിയിലൂടെ ലെയോ പാപ്പ ദിവ്യകാരുണ്യ നാഥനെ വഹിച്ചുക്കൊണ്ട് പ്രദിക്ഷണം നടത്തി. 12 ലക്ഷത്തിലധികം വിശ്വാസികള് പങ്കെടുത്ത വിശുദ്ധ കുര്ബാനയ്ക്കു ശേഷമായിരിന്നു പ്രാര്ത്ഥനാനിര്ഭരമായ ദിവ്യകാരുണ്യ പ്രദിക്ഷണം സ്പെയിനിന്റെ ഹൃദയഭാഗത്ത് നടന്നത്.
📰👉 കോണ്ഗ്രസ് വിളിച്ചുചേര്ത്ത ഇന്ത്യാ സഖ്യത്തിന്റെ യോഗത്തില് സിപിഎം പ്രതിനിധിയായി പങ്കെടുത്ത് ജോണ് ബ്രിട്ടാസ് എംപി. യോഗം ആരോഗ്യകരമായിരുന്നുവെന്നും അടുത്ത യോഗം ആഗസ്റ്റില് ചേരുമെന്നും അദ്ദേഹം പിന്നീട് മാധ്യമപ്രവര്ത്തകരെ അറിയിച്ചു.
📰👉 ദല്ഹിയില് ചേര്ന്ന ഇന്ത്യാമുന്നണി യോഗത്തില് നിന്നും കോണ്ഗ്രസിനോടുള്ള അഭിപ്രായഭിന്നത മൂലം ഡിഎംകെയും ആം ആദ്മി പാര്ട്ടിയും വിട്ടുനിന്നു. തമിഴ്നാട്ടിൽ സർക്കാർ രൂപീകരിക്കുന്നതിൽ നടൻ വിജയ്യുടെ ടിവികെയെ കോൺഗ്രസ് പിന്തുണച്ചതിനെത്തുടർന്നാണ് ഇത്.
📰👉 ഐ.എ.എസ്. തലപ്പത്ത് വൻ അഴിച്ചുപണി. സസ്പെൻഷൻ പിൻവലിക്കപ്പെട്ട് തിരികെയെത്തിയ ഡോ. ബി. അശോകിനെ ഉന്നത വിദ്യാഭ്യാസ വകുപ്പ് പ്രിൻസിപ്പൽ പ്രിൻസിപ്പൽ സെക്രട്ടറിയായും എൻ. പ്രശാന്തിനെ കായികവകുപ്പ് സ്പെഷ്യൽ
സെക്രട്ടറിയായും നിയമിച്ചു. തദ്ദേശഭരണ വകുപ്പ് സെക്രട്ടറിയായിരുന്ന ടി.വി. അനുപമയെ ഗതാഗതവകുപ്പ് സെക്രട്ടറിയാക്കി
📰👉 ഉയർന്ന വൈദഗ്ധ്യമുള്ള വിദേശ തൊഴിലാളികൾക്കായുള്ള പുതിയ എച്ച്-1ബി വിസകൾക്ക് ഫീസ് കുത്തനെ കൂട്ടാനുള്ള യുഎസ് പ്രസിഡന്റ് ഡൊണാൾഡ് ട്രംപിന്റെ തീരുമാനം റദ്ദാക്കി യുഎസ് കോടതി. കുടിയേറ്റ നിയന്ത്രണ നയങ്ങളുടെ ഭാഗമായി 1,00,000 ഡോളർ ആണ് ഫീസായി നിശ്ചയിച്ചത്
📰👉 റഷ്യയിൽ വൻ ആക്രമണവുമായി യുക്രെയ്ൻ. റഷ്യൻ അതിർത്തിക്കുള്ളിലെ സൈനിക താവളങ്ങൾ, റഷ്യയുടെ കൈവശവുള്ള ക്രിമിയൻ പെനിൻസുലയിലെ എണ്ണസംഭരണശാലകൾ എന്നിവയ്ക്കു നേരേയാണ് യുക്രെയ്നിന്റെ ഡ്രോൺ ആക്രമണമുണ്ടായത്.
📰👉 റഷ്യയുടെ കടുത്ത സാമ്പത്തിക-രാഷ്ട്രീയ സമ്മർദങ്ങളെ മറികടന്ന് അർമേനിയൻ പൊതുതെരഞ്ഞെടുപ്പിൽ പ്രധാനമന്ത്രി നികോൾ പാഷിന്യാൻ നയിക്കുന്ന സിവിൽ കോൺട്രാക്ട് പാർട്ടിക്ക് വൻവിജയം.
📰👉 മമത ബാനർജിക്ക് കനത്ത തിരിച്ചടി നൽകി പാർട്ടിവിട്ട എംപിമാർ ബിജെപി നേതൃത്വവുമായി ചർച്ച നടത്തി. പശ്ചിമ ബംഗാൾ മുഖ്യമന്ത്രി സുവേന്ദു അധികാരിയും ഈ യോഗത്തിൽ പങ്കെടുത്തു
