കൊച്ചി: എന്ഫോഴ്സ്മെന്റ് ഡയറക്ടറേറ്റിന്റെ (ഇ ഡി) അന്വേഷണം തടയണമെന്ന് ആവശ്യപ്പെട്ട് സിഎംആര്എല് നല്കിയ അപ്പീല് ഹൈക്കോടതി ഇന്ന് പരിഗണിക്കും. ജസ്റ്റിസുമാരായ രാജ വിജയരാഘവന്, കെ. വി. ജയകുമാര് എന്നിവരടങ്ങിയ ഡിവിഷൻ ബെഞ്ചാണ് ഹര്ജിയിൽ വാദം കേള്ക്കുക. കോടതിയിൽ 7B ഹാളിൽ അഞ്ചാമത്തെ ഐറ്റമായിട്ടാണ് ഈ അപ്പീൽ ലിസ്റ്റ് ചെയ്തിരിക്കുന്നത്.
‘നീതിനിഷേധം ഉണ്ടായി’; സിഎംആർഎല്ലിന്റെ വാദങ്ങൾ:
- ഉത്തരവ് സ്റ്റേ ചെയ്യണം: ഇ ഡി അന്വേഷണം തുടരാമെന്ന ഹൈക്കോടതി സിംഗിള് ബെഞ്ചിന്റെ ഉത്തരവ് അടിയന്തരമായി സ്റ്റേ ചെയ്യണമെന്നാണ് സിഎംആർഎല്ലിന്റെ പ്രധാന ആവശ്യം.
- നീതിനിഷേധം: കേസിൽ തങ്ങൾക്ക് നീതിനിഷേധം ഉണ്ടായെന്നാണ് കമ്പനിയുടെ വാദം. സിംഗിൾ ബെഞ്ച് ഉത്തരവിനെതിരെയുള്ള പുതിയ അപ്പീലിൽ വിശദമായ വാദം കേൾക്കണമെന്ന് കമ്പനി കോടതിയോട് ആവശ്യപ്പെടും.
അതിശക്തമായി എതിർക്കാൻ ഇ ഡി; എഎസ്ജി ഹാജരാകും
സിഎംആർഎല്ലിന്റെ ഹർജിയെ കോടതിയിൽ അതിശക്തമായി പ്രതിരോധിക്കാനാണ് എൻഫോഴ്സ്മെന്റ് ഡയറക്ടറേറ്റിന്റെ തീരുമാനം. ഇ ഡിക്ക് വേണ്ടി അഡിഷണല് സോളിസിറ്റര് ജനറല് (ASG) നേരിട്ട് കോടതിയിൽ ഹാജരാകും.
