കോട്ടയം :പാലാ :പാലായിൽ നൂറടി പൊക്കമുള്ള യേശുക്രിസ്തുവും,പരിശുദ്ധ ദൈവമാതാവും മിന്നി തെളിയും.പാലാ ജൂബിലി കപ്പേളയുടെ മുഖവാരത്ത് അതിനുള്ള ക്രമീകരണങ്ങൾ പൂർത്തിയായി.അമലോത്ഭവ ജൂബിലി തിരുന്നാളായ ഏഴും എട്ടും തീയതികളിലാണ് ജൂബിലി കപ്പേളയുടെ മുൻ ഭാഗത്ത് എൽ ഇ ഡി പിക്സൽ സംവിധാന ഇല്ലുമിനേഷൻ ക്രമീകരിച്ചിട്ടുള്ളത്. കപ്പേളയ്ക്കു ആകെ 142 അടിയാണ് ഉയരം.ഇതിൽ നൂറടി പൊക്കം വരുന്ന രീതിയിലാണ് എൽ ഇ ഡി ക്രമീകരിച്ചിരിക്കുന്നത്. കപ്പേളയുടെ മറ്റു മൂന്നു വശങ്ങളിലും സാധാരണ അലങ്കാരങ്ങളുണ്ടാവുമ്പോൾ മുൻ വശത്താണ് നൂറടി പൊക്കത്തിൽ ബൈബിൾ ദൃശ്യങ്ങൾ വർണ്ണ ബൾബുകളിൽ ചിത്രീകരിക്കുക.ആയിരക്കണക്കായ എൽ ഇ ഡി ബൾബുകൾ കൊണ്ടാണ് ചലിക്കുന്ന ബൈബിൾ ദൃശ്യങ്ങൾ ചിട്ടപ്പെടുത്തിയിട്ടുള്ളത്.
