2026 സെപ്റ്റംബർ 20 ഞായർ കന്നി 04
👉📰 വൈറ്റ് ഹൗസിൽ മാധ്യമവിലക്കിനൊരുങ്ങി യുഎസ് പ്രസിഡന്റ് ഡൊണാൾഡ് ട്രംപ്. അമേരിക്കയിലെ പ്രമുഖ മാധ്യമങ്ങളായ സിഎൻഎൻ, പൊളിറ്റിക്കോ, എംഎസ് നൗ എന്നിവയെയാണ് വിലക്കാൻ തീരുമാനിച്ചത്. തീരുമാനം ഉടൻ പ്രാബല്യത്തിൽ വരുമെന്നും ട്രംപ് പറയുന്നു.
👉📰 സീറോമലബാർ സഭയിൽ ഇനിമുതൽ ഒക്ടോബർ മാസം മുഴുവൻ ‘മിഷൻ മാസമായി’ ആചരിക്കും. 2024ൽ പാലായിൽ നടന്ന മേജർ ആർക്കി എപ്പിസ്കോപ്പൽ അസംബ്ലിയുടെ നിർദേശപ്രകാരം സിനഡ് കൈക്കൊണ്ട തീരുമാനത്തിന്റെ അടിസ്ഥാനത്തിലാണ് പുതിയ നടപടി.
👉📰 നീറ്റ് ചോദ്യപേപ്പർ ചോർച്ച കേസിൽ സുപ്രീം കോടതി നടപടി ശക്തമാക്കുന്നു. എൻ.ടി.എയുടെ ഡൽഹി മിന്റോ റോഡിലെ പുതിയ ഓഫീസ് ജഡ്ജിമാർ സന്ദർശിക്കും. സംവിധാനങ്ങൾ കാര്യക്ഷമമാണോ എന്ന് സുപ്രീം കോടതി നേരിട്ട് വിലയിരുത്തും.
👉📰 വ്യാജ പാരാമെഡിക്കൽ കോളജും സർവകലാശാലയും നടത്തി വിവിധ കോഴ്സുകളിൽ വിദ്യാർഥികളെ പ്രവേശിപ്പിച്ചുവെന്ന കേസിൽ അഞ്ച് പേരെ യുപി പോലീസ് അറസ്റ്റ് ചെയ്തു. 2022 മുതൽ ഡി ഫാർമ, ബി ഫാർമ, ബിഎസ്സി നഴ്സിംഗ് കോഴ്സുകൾക്ക് പ്രവേശനം ഒരുക്കുന്നതിനായി പ്രതികൾ വിദ്യാർഥികളിൽനിന്നും രക്ഷിതാക്കളിൽനിന്നും പണം കൈപ്പറ്റിയിരുന്നതായി പൊലീസ് പറയുന്നു.
👉📰 ബംഗാളിലെ മമത ബാനർജി വിഭാഗം തൃണമൂൽ കോൺഗ്രസിനെ അനിശ്ചിതത്വത്തിലാക്കുന്നു. നന്ദിഗ്രാമിലെ സ്ഥാനാർഥിയുടെ അപ്രതീക്ഷിത പിന്മാറ്റവും റജിനഗറിലെ പിന്മാറ്റവും പിന്നീട് പിന്മാറിയ തീരുമാനം പിൻവലിച്ചതും പാർട്ടി വൻ പ്രതിസന്ധിയിലൂടെയാണ് കടന്നുപോകുന്നതെന്ന സൂചനയാണ് നൽകുന്നത്.
👉📰 അമേരിക്കയിലെ കലിഫോർണിയയിൽ കൊല്ലപ്പെട്ട മലയാളി യുവതികളുടെ മൃതദേഹങ്ങൾ വിദേശത്തെ നിയമനടപടികൾ പൂർത്തിയാക്കി നാളെ രാവിലെ കൊച്ചി അന്താരാഷ്ട്ര വിമാനത്താവളത്തിലെത്തിക്കും. അഞ്ജന വിജീഷ് (35),ആൻമേരി മാത്യു (40) എന്നിവരുടെ മൃതദേഹങ്ങളാണ് രാവിലെ നെടുമ്പാശേരിയിൽ എത്തിക്കുന്നത്.
👉📰 മുൻ ഡി.ജി.പി ടോമിൻ ജെ. തച്ചങ്കരിക്കെതിരായ അനധികൃത സ്വത്തുസമ്പാദനക്കേസിൽ വിജിലൻസ് കോടതി വിധി പുറത്തുവന്നതിന് പിന്നാലെ പ്രതികരണവുമായി പരാതിക്കാരനായ ബോബി കുരുവിള. തന്റെ 22-ാം വയസ്സിൽ പിതാവ് തുടങ്ങിയ നിയമപോരാട്ടം ഇപ്പോൾ 58-ാം വയസ്സിലാണ് അവസാനിക്കുന്നതെന്നും, തച്ചങ്കരി മൂലം മുറിവേറ്റ നിരവധി മനുഷ്യർക്ക് വേണ്ടിയാണ് തങ്ങൾ പോരാടിയതെന്നും ബോബി കുരുവിള പറഞ്ഞു.
👉📰 സംസ്ഥാനത്തെ മോട്ടോര് വാഹനവകുപ്പ് ഓഫിസുകളിൽ ഉച്ചകഴിഞ്ഞും സേവനം ഉറപ്പാക്കാന് നിർദേശം. ഓഫിസുകള് ഉച്ചയ്ക്ക് ശേഷം അടച്ചിടുന്നുവെന്ന പരാതിയെ തുടര്ന്നാണ് പുതിയ നിർദേശം.
👉📰 ഇരിഞ്ഞാലക്കുടയിലെ കേരള കോണ്ഗ്രസ് കൂട്ടയടിക്കിടെ കഴിഞ്ഞ ദിവസം പൊലീസുകാരെ ചായക്കെറ്റില് കൊണ്ട് എറിഞ്ഞവര്ക്കെതിരെ കേസെടുത്തു. കേരള കോണ്ഗ്രസ് , യൂത്ത് ഫ്രണ്ട് പ്രവര്ത്തകരായ 10 പേര്ക്കെതിരെയാണ് കേസ്
👉📰 സൗദി തലസ്ഥാനമായ റിയാദിലെ കിംഗ് ഖാലിദ് അന്താരാഷ്ട്ര വിമാനത്താവളത്തിന് നേരെ മിസൈൽ ആക്രമണമുണ്ടായതായി സൂചന. വിമാനത്താവളത്തിന് സമീപം കറുത്ത പുകയും തീയും ഉയർന്നതായും നഗരത്തിന്റെ വിവിധ ഭാഗങ്ങളിൽ ശക്തമായ സ്ഫോടനശബ്ദം കേട്ടതായും പ്രദേശവാസികൾ വ്യക്തമാക്കി.
