2026 ഏപ്രിൽ 25 ശനി 1199 മേടം 12
വാർത്തകൾ
👉📰 നീണ്ട കാലത്തെ നിയന്ത്രണങ്ങൾക്കൊടുവിൽ പേടിഎം പേയ്മെന്റ് ബാങ്കിന്റെ ബാങ്കിംഗ് ലൈസൻസ് റിസർവ് ബാങ്ക് റദ്ദാക്കി. ബാങ്കിന്റെ പ്രവർത്തനം തുടരുന്നത് നിക്ഷേപകരുടെ താത്പ ര്യങ്ങൾക്ക് വിരുദ്ധമാണെന്ന് ചൂണ്ടിക്കാട്ടിയാണ് വെള്ളിയാഴ്ച ഈ നിർണായക നടപടി എടുത്തത്.
👉📰 സഭാധ്യക്ഷനെന്ന നിലയില് ഒരിക്കലും യുദ്ധത്തെ അനുകൂലിക്കാനാകില്ലെന്ന് ലെയോ പതിനാലാമന് മാര്പാപ്പ. ആഫ്രിക്കയിലേക്കുള്ള അപ്പസ്തോലിക യാത്ര പൂര്ത്തിയാക്കി ഇക്വറ്റോറിയൽ ഗിനിയയിലെ മലാബയില്നിന്നു റോമിലേക്കു വിമാനത്തില് മടങ്ങവേ മാധ്യമപ്രവര്ത്തകരുമായി സംസാരിക്കുകയായിരുന്നു അദ്ദേഹം
👉📰 ഇസ്രയേൽ-ലബനൻ വെടിനിർത്തൽ മൂന്നാഴ്ചത്തേക്കുകൂടി നീട്ടിയെന്ന് യുഎസ് പ്രസിഡന്റ് ഡോണൾഡ് ട്രംപ് അറിയിച്ചു. വൈറ്റ്ഹൗസിൽ അമേരിക്കയിലെ ഇസ്രേലി, ലബനീസ് അംബാസഡർമാരുടെ കൂടിക്കാഴ്ചയ്ക്കുശേഷമായിരുന്നു തീരുമാനമുണ്ടായത്.
👉📰 സമാധാനത്തിന്റെ വക്താവാകുമെന്ന് അവകാശപ്പെട്ട് അധികാരമേറ്റ ഡോണൾഡ് ട്രംപിന്റെ രണ്ടാം ഭരണകാലം ലോകത്തിന് സമ്മാനിക്കുന്നത് രക്തരൂഷിതമായ യുദ്ധചരിത്രമെന്ന് റിപ്പോർട്ട്. വിദേശ യുദ്ധങ്ങൾ അവസാനിപ്പിക്കുമെന്ന് വാഗ്ദാനം നൽകിയ ട്രംപിന്റെ കീഴിൽ കഴിഞ്ഞ 15 വർഷത്തിനിടയിലെ ഏറ്റവും ഉയർന്ന സൈനിക ഇടപെടലുകളാണ് അമേരിക്ക നടത്തിയിരിക്കുന്നത്.
👉📰 ഇറാനുമായുള്ള യുദ്ധത്തിൽ അത്യാധുനിക ആയുധങ്ങൾ വൻതോതിൽ ഉപയോഗിക്കുന്നത് അമേരിക്കയുടെ ആയുധശേഖരത്തെ പ്രതികൂലമായി ബാധിക്കുന്നതായി റിപ്പോർട്ട്. യുദ്ധത്തിന്റെ ആദ്യ രണ്ട് ദിവസങ്ങളിൽ മാത്രം ഏകദേശം 5.6 ബില്യൺ ഡോളറിന്റെ (ഏകദേശം 46,000 കോടി രൂപ) ആയുധങ്ങളാണ് അമേരിക്ക ഉപയോഗിച്ചു തീർത്തത്
👉📰ഇറാനുമായുള്ള സംഘർഷം മൂർച്ഛിക്കുന്നതിനിടെ മിഡിൽ ഈസ്റ്റിൽ സൈനിക സന്നാഹം ശക്തമാക്കി അമേരിക്ക. അമേരിക്കയുടെ ഭീമൻ വിമാനവാഹിനിക്കപ്പലായ ജോർജ് എച്ച്ഡബ്ല്യുബുഷ് കൂടി മേഖലയിൽ എത്തിയതോടെ ഇറാൻ തീരത്ത് മൂന്ന് അമേരിക്കൻ വിമാനവാഹിനിക്കപ്പലുകളാണ് നിലയുറപ്പിച്ചിരിക്കുന്നത്ഇഇറാനുമായുള്ള സംഘർഷം മൂർച്ഛിക്കുന്നതിനിടെ മിഡിൽ ഈസ്റ്റിൽ സൈനിക സന്നാഹം ശക്തമാക്കി അമേരിക്ക. അമേരിക്കയുടെ ഭീമൻ വിമാനവാഹിനിക്കപ്പലായ ജോർജ് എച്ച്ഡബ്ല്യുബുഷ് കൂടി മേഖലയിൽ എത്തിയതോടെ ഇറാൻ തീരത്ത് മൂന്ന് അമേരിക്കൻ വിമാനവാഹിനിക്കപ്പലുകളാണ് നിലയുറപ്പിച്ചിരിക്കുന്നത്
👉📰 പാമ്പുകടിയേറ്റാല് കനിവ് 108 ആംബുലന്സ് വഴി ആന്റി സ്നേക്ക് വെനം ഉള്ള ആശുപത്രികളില് എത്തിക്കും. ആരോഗ്യ മന്ത്രി വീണാ ജോര്ജ് ആണ് ഇക്കാര്യം അറിയിച്ചത്. കനിവ് 108 ആംബുലന്സിലെ പരിചയ സമ്പന്നരായ എമര്ജന്സി മെഡിക്കല് ടെക്നീഷ്യന് വഴി പ്രഥമ ശുശ്രൂഷയും നിരീക്ഷണവും ഉറപ്പാക്കാം.പാമ്പുകടിയേറ്റാല് സമയോചിതമായ പ്രഥമ ശുശ്രൂഷയും വിദഗ്ധ ചികിത്സയും നല്കിയാല് ജീവന് രക്ഷിക്കാന് കഴിയും.
👉📰 എസ്എഫ്ഐ പത്തനംതിട്ട മുന് ജില്ലാ പ്രസിഡന്റ് ജയകൃഷ്ണന് തണ്ണിത്തോടിനെ മര്ദിച്ചെന്ന ആരോപണത്തെതുടര്ന്ന് കോടതി ശിക്ഷിച്ച ഡിവൈഎസ്പി മധുബാബുവിന് എസ്പിയായി സ്ഥാനക്കയറ്റം നല്കാന് നീക്കം. കോടതി ശിക്ഷിച്ച വിവരം മറച്ചുവെച്ചാണ് മധുബാബുവിന് സ്ഥാനക്കയറ്റം നല്കാന് നീക്കമെന്നാണ് സൂചന.
👉📰 റഷ്യ- യുക്രൈന് യുദ്ധത്തില് പത്ത് ഇന്ത്യക്കാര് കൊല്ലപ്പെട്ടതായി കേന്ദ്ര സര്ക്കാര് സുപ്രീം കോടതിയില് അറിയിച്ചു. റഷ്യന് സേനയ്ക്കായി യുദ്ധത്തില് പങ്കെടുത്തവരാണ് കൊല്ലപ്പെട്ടത്.
👉📰മണിപ്പുരിൽ ഉഖ്റുൽ ജില്ലയിൽ രണ്ടു വ്യത്യസ്ത വെടിവയ്പുകളിലായി മൂന്നു പേർ കൊല്ലപ്പെട്ടു. ഗോത്ര വിഭാഗക്കാരാണ് ഏറ്റുമുട്ടിയത്. മുല്ലം ഗ്രാമത്തിൽ രണ്ടു പേരാണ് കൊല്ലപ്പെട്ടത്. രണ്ടു മൃതദേഹങ്ങൾ ഇവിടെനിന്നു കണ്ടെടുത്തു👉📰
