പാലാ : 60 വയസ്സ് കഴിഞ്ഞ എല്ലാ കർഷകർക്കും കെഎസ്ആർടിസിയിൽ സൗജന്യ ബസ് യാത്ര അനുവദിക്കണമെന്ന് കർഷ യൂണിയൻ എം പാലാ നിയോജകമണ്ഡലം കമ്മിറ്റി ആവശ്യപ്പെട്ടു. തങ്ങളുടെ ജീവിതത്തിന്റെ നല്ലൊരു ഭാഗവും ചോര നീരാക്കി കഷ്ടപ്പെട്ട കർഷകർ തങ്ങളുടെ
അവസാന കാലങ്ങളിൽ സാമ്പത്തിക ഞെരുക്കത്തിൽ ബുദ്ധിമുട്ടുന്ന ഇന്നത്തെ സാഹചര്യത്തിൽ കെഎസ്ആർടിസി ബസ്സിലെസൗജന്യ യാത്ര കർഷകർക്കും ബാധകമാക്കണമെന്ന് യോഗം ആവശ്യപ്പെട്ടു. രാഷ്ട്രീയ നേട്ടത്തിനായി തിരഞ്ഞെടുപ്പ് വാഗ്ദാനം നൽകിയവർ കർഷകരുടെ ദുരിതം മനസ്സിലാക്കി കർഷകർക്ക് വേണ്ട പ്രോത്സാഹനം നൽകുവാൻ തയ്യാറാകണമെന്ന് യോഗം
ആവശ്യപ്പെട്ടു. നിയോജക മണ്ഡലം പ്രസിഡണ്ട് അപ്പച്ചൻ നെടുംപള്ളിൽ അധ്യക്ഷത വഹിച്ച യോഗം സംസ്ഥാന സെക്രട്ടറി കെ പി ജോസഫ് ഉദ്ഘാടനം ചെയ്തു.മണ്ഡലം ഭാരവാഹികളായ കെ ഭാസ്കരൻ നായർ ,ജോയ് നടയിൽ,ടോമി മാത്യു തകിടിയേൽ,ഷാജി കൊല്ലത്തടം ജോർജ്ജുകുട്ടി ജേക്കബ് ചാക്കോ പറവെട്ടിയേൽ, അബ്രാഹം കോക്കാട്ട്, സിറിയക് പുത്തൻപുര അബു കോതമ്പനാനി, ജയ്മോൻ തോമസ് തുടങ്ങിയവർ പ്രസംഗിച്ചു
