ദുബായില് തേജസ് വിമാനം തകര്ന്ന് വീരമൃത്യു വരിച്ച വിങ് കമാന്ഡര് നമന്ഷ് സ്യാലിന് വികാരനിഭരമായ യാത്രയയപ്പ് നല്കി രാജ്യം. ജന്മനാടായ ഹിമാചല്പ്രദേശിലെ കാംഗ്രയില് പൂര്ണ സൈനിക ബഹുമതികളോടെ ഭൗതികശരീരം സംസ്കരിച്ചു.
വിങ്ങിപ്പൊട്ടി അന്തിമ സല്യൂട്ട് നല്കിയാണ് വ്യോമസേനയില് ഉദ്യോഗസ്ഥയായ ഭാര്യ വിങ് കമാന്ഡര് അഫ്ഷാന് നമന്ഷിനെ യാത്രയാക്കിയത്.
ആറുവയസുള്ള മകളും കുടുംബാംഗങ്ങളും തമിഴ്നാട്ടിലെ സുളൂര് മുതല് ഭൗതികശരീരത്തെ അനുഗമിച്ചു.
കാംഗ്രയിലെ വിലാപയാത്രയില് ആയിരക്കണക്കിനുപേര് ഒത്തുചേര്ന്നു. വിങ് കമാന്ഡര് നമന്ഷ് സ്യാലിന് മരണമില്ലെന്ന് ആള്ക്കൂട്ടം ആര്ത്തുവിളിച്ചു. കുടുംബാംഗങ്ങളുടെയും വ്യോമസേനയിലെ സഹപ്രവര്ത്തകരുടെയും നാട്ടുകാരുടെയും സാന്നിധ്യത്തില് പൂര്ണ സൈനിക ബഹുമതികളോടെ മൃതദേഹം സംസ്കരിച്ചു.
