2024 മെയ് 06 ചൊവ്വ 1199 മേടം 21
വാർത്തകൾ
🗞️ 👉 ലോകത്തിലെ ഏറ്റവും പ്രായം കുറഞ്ഞ കർദ്ദിനാള്‍ പൗരോഹിത്യം സ്വീകരിച്ചിട്ട് 20 വര്‍ഷം
ലോകത്തിലെ ഏറ്റവും പ്രായം കുറഞ്ഞ കർദ്ദിനാളായ മൈക്കോള ബൈചോക്ക് സിഎസ്ആർ പൗരോഹിത്യം സ്വീകരിച്ചിട്ട് 20 വര്‍ഷം. പൗരസ്ത്യസഭയായ യുക്രേനിയൻ ഗ്രീക്ക് കത്തോലിക്ക സഭാംഗമായ കർദ്ദിനാള്‍ മൈക്കോള തിരുപ്പട്ടം സ്വീകരിച്ചതിന്റെ ഇരുപതാം വാര്‍ഷികം ഇക്കഴിഞ്ഞ മെയ് അഞ്ചിനാണ് ലളിതമായി ആചരിച്ചത്. പത്രോസിന്റെ അടുത്ത പിൻഗാമിയെ തിരഞ്ഞെടുക്കുന്നതിനുള്ള കോൺക്ലേവിൽ പങ്കെടുക്കുന്ന ഏറ്റവും പ്രായം കുറഞ്ഞ കർദ്ദിനാൾ ഇലക്ടർ കൂടിയാണ് മൈക്കോള ബൈചോക്ക്.
🗞️ 👉 പുണ്യശ്ലോഹനായ ബഹു.അബ്രഹാം കൈപ്പൻപ്ലാക്കൽ അച്ചൻ്റെ പതിനൊന്നാം ചരമവാർഷികം നടത്തപ്പെട്ടു
പാലാ രൂപതാംഗവും ളാലം പഴയ പള്ളി മുൻ വികാരിയും സീറോ മലബാർ സഭയിൽ ആദ്യമായി ളാലം ഇടവകയിൽ നിത്യസഹായമാതാവിൻ്റെ നൊവേന ആരംഭിക്കുകയും,സ്നേഹഗിരി മിഷനറി സിസ്റ്റേഴ്സ് , ദേവദാൻ സിസ്റ്റേഴ്സ് എന്നീ രണ്ട് സന്യാസഭകൾ സ്ഥാപിക്കുകയും നൂറുകണക്കിന് ജീവകാരുണ്യ സ്ഥാപനങ്ങളുടെ സ്ഥാപകനുമായ പുണ്യശ്ലോഹനായ അബ്രഹാം കൈപ്പപ്ലാക്കൽ അച്ചൻ്റെ പതിനൊന്നാം ചരമവാർഷികം ളാലം ഇടവക ദേവാലയത്തിൽ വിശുദ്ധ കുർബാനയോടുകൂടി നടത്തപ്പെട്ടു മെയ് അഞ്ചാം തീയതി രാവിലെ എട്ടുമണിക്ക് പാലാ രൂപത വികാരി ജനറാൾ മോൺ. ജോസഫ് മലേപ്പറമ്പിലിന്റെ കാർമികത്വത്തിൽആഘോഷമായ വിശുദ്ധ കുർബാന,സന്ദേശം തുടർന്ന് കബറടത്തിന്റെ പ്രാർത്ഥന ശുശ്രൂഷകൾ എന്നിവ നടത്തി.
🗞️ 👉 ബാങ്കിൽ സ്വർണ തട്ടിപ്പ് നടത്തിയത് കോൺഗ്രസ്, സിപിഐഎം പ്രാദേശിക നേതാക്കൾ ചേർന്ന്
കണ്ണൂർ ആനപ്പന്തി സഹകരണ ബാങ്ക് ലോക്കറിൽ സൂക്ഷിച്ച 60 ലക്ഷം രൂപയുടെ സ്വർണം തട്ടിയെടുത്ത കേസിൽ ഒരാൾ അറസ്റ്റിൽ. കോൺഗ്രസ് കച്ചേരിക്കടവ് വാർഡ്‌ പ്രസിഡന്റ്‌ സുനീഷ് തോമസാണ് അറസ്റ്റിലായത്. സുനീഷും സിപിഐഎം ബ്രാഞ്ച് സെക്രട്ടറി സുധീർ തോമസും ചേർന്നാണ് സ്വർണം തട്ടിയെടുത്തതെന്നാണ് പൊലീസിന്റെ കണ്ടെത്തൽ.
🗞️ 👉 പാകിസ്താനിൽ ഭൂചലനം
പാകിസ്താനിൽ ഭൂചലനം, റിക്ടർ സ്കെയിൽ 4.2 തീവ്രത രേഖപ്പെടുത്തി. ആളപായമോ നാശനഷ്ടമോ റിപ്പോർട്ട് ചെയ്തിട്ടില്ല.തിങ്കളാഴ്ച വൈകുന്നേരം 4 മണിയോടെയാണ് പാകിസ്താനിൽ റിക്ടർ സ്കെയിലിൽ
🗞️ 👉 ഏറ്റുമാനൂരിൽ കാർ സ്കൂട്ടറിൽ ഇടിച്ചു അപകടം
ഏറ്റുമാനൂർ നീണ്ടൂർ റോഡിൽ ബസ്സ്‌റ്റോപ്പിന് സമീപം കാർ സ്കൂട്ടറിൽ ഇടിച്ചു മതിൽ തകർത്ത് 12അടി താഴ്ച്ച യിലേക്ക് പോയി. ആർക്കും പരിക്കില്ല
🗞️ 👉 മോചനമില്ലാതെ അബ്ദുറഹീം; കേസ് കോടതി വീണ്ടും മാറ്റിവെച്ചു
സൗദി ജയിലിൽ കഴിയുന്ന കോഴിക്കോട് ഫറോക്ക് സ്വദേശി അബ്ദുറഹീമിന്റെ മോചന ഹർജി പരിഗണിക്കുന്നത് വീണ്ടും മാറ്റി. റിയാദിലെ കോടതിയാണ് ഹർജി പരിഗണിക്കുന്നത് മാറ്റിയത്. 12- ആമത്തെ തവണയാണ് കോടതി കേസ് നീട്ടിവെക്കുന്നത്. ഓൺലൈനായിരുന്നു കേസ് പരിഗണിച്ചത്. അബ്ദുറഹീമും അഭിഭാഷകരും ഓൺലൈൻ വഴി കോടതിയിൽ ഹാജരായിരുന്നു.
