അഖില കേരള ചേരമർ ഹിന്ദു മഹാസഭ കോട്ടയം താലൂക്ക് യൂണിയൻ്റ നേതൃത്വത്തിൽ ദേശ താലപ്പൊലി

ഏറ്റുമാനൂർ: മഹാദേവക്ഷേത്രത്തിലെ ആറാം ഉത്സവമായ മാർച്ച് നാലിന് അഖില കേരള ചേരമർ ഹിന്ദു മഹാസഭ കോട്ടയം താലൂക്ക് യൂണിയൻ്റ നേതൃത്വത്തിൽ ദേശ താലപ്പൊലി ഘോഷയാത്രയും സാംസ്കാരിക സമ്മേളനവും നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.
വൈകുന്നേരം 5 30 -ന് സാംസ്കാരിക സമ്മേളനം തിരുവഞ്ചൂർ രാധാകൃഷ്ണൻ എംഎൽഎ ഉദ്ഘാടനം ചെയ്യും.
യൂണിയൻ പ്രസിഡൻറ് രാജേഷ് വള്ളിക്കാട് അധ്യക്ഷത വഹിക്കും.
സംസ്ഥാന പ്രസിഡന്റ് വി.ടി. വിനീഷ് കല്ലറ മുഖ്യ പ്രഭാഷണം നടത്തും.നഗരസഭ പ്രതിപക്ഷ നേതാവ് ഇ എസ് ബിജു താലപ്പൊലി സന്ദേശം നൽകും.യൂണിയൻ സെക്രട്ടറി വി.ടി. സജീവ്
അനുഗ്രഹ പ്രഭാഷണം നടത്തും.
6 30-ന് മുണ്ടമറ്റം ജംഗ്ഷനിൽ നിന്നും പഴയ റോഡ് വഴി പേരൂർ കവല,സെൻട്രൽ ജംഗ്ഷൻ ചുറ്റി പടിഞ്ഞാറെ നടവഴി ഘോഷയാത്ര ക്ഷേത്ര സന്നിധിയിൽ എത്തിച്ചേരും.
പത്രസമ്മേളനത്തിൽ താലപ്പൊലി കോ-ഓർഡിനേറ്റർ കെ.സി. ഷാജി, രാജേഷ് വള്ളിക്കാട്, ടി.കെ. ചന്ദ്രബാബു, ബിജുവാസു , സന്തോഷ് പുന്നത്തുറ , എന്നിവർ പങ്കെടുത്തു.