കോട്ടയം /പാലാ :ഓട്ടോമൊബൈൽ സ്പെയർ റീട്ടെയ്ലേഴ്സ് അസോസിയേഷൻ (2&3) കോട്ടയം ജില്ലാ സമ്മേളനവും കുടുംബസംഗമവും ഒക്ടോബർ 13 (ഞായറാഴ്ച്ച) 11 എ. എമ്മിന്, പി. എ. ജേക്കബ് പുകടിയേൽ നഗറിൽ (മിൽക്ക് ബാർ ഓഡിറ്റോറിയം, പാലാ) വെച്ച് നടത്തുമെന്ന് പാലാ മീഡിയ അക്കാദമിയിൽ വെച്ച് നടത്തിയ പത്രസമ്മേളനത്തിൽ അസോസിയേഷൻ ഭാരവാഹികൾ അറിയിച്ചു.
ഓട്ടോമൊബൈൽ സ്പെയർ പാർട്സ് വ്യാപാരികൾ ഏതാനും നാളുകളായി നേരിടുന്ന വെല്ലുവിളികളും പ്രതിസന്ധികളും ബാധിക്കുന്നത് നൂറുകണക്കിന് തൊഴിലാളികളെയും കുടുംബങ്ങളെയുമാണെന്നും വിഷയം സംസ്ഥാന സർക്കാരിന്റെ ശ്രദ്ധയിൽ പെടുത്തി പരിഹാരം കണ്ടെത്തുമെന്നും അസോസിയേഷൻ കോട്ടയം ജില്ലാ പ്രസിഡന്റ്‌ വിനു കണ്ണൻ പത്രസമ്മേളനത്തിൽ അറിയിച്ചു.
വിലവർധനവും 28 ശതമാനം ടാക്സും ഇലട്രിക് വാഹനങ്ങളുടെ കടന്നുവരവും സൃഷ്ടിക്കുന്ന പ്രതിസന്ധിയിൽ സംസ്ഥാനമൊട്ടുക്കുള്ള വ്യാപാരികൾ ബുദ്ധിമുട്ടുകയാണെന്ന് സംസ്ഥാന രക്ഷാധികാരി രാജേഷ് പാലാ അഭിപ്രായപ്പെട്ടു.
സംസ്ഥാന സമ്മേളനത്തിന് മുൻപായി പാലായിൽ നാളെ നടത്തപ്പെടുന്ന ജില്ലാ സമ്മേളനം പാലാ എം. എൽ. എ മാണിസികാപ്പൻ ഉദ്ഘടനം ചെയ്യും, ചടങ്ങിൽ കടുത്തുരുത്തി എം. എൽ. എ മോൻസ് ജോസഫ് മുഖ്യാതിഥിയായി പങ്കെടുക്കുമെന്നും ഭാരവാഹികൾ അറിയിച്ചു.
ASRA സംസ്ഥാന പ്രസിഡന്റ്‌ ബിജു പൂപ്പത്ത്, സംസ്ഥാന സെക്രട്ടറി ബിജു. പി, സംസ്ഥാന ട്രഷറർ ലത്തീഫ് ഹാഷിം സംസ്ഥാന രക്ഷാധികാരി രാജേഷ് പാലാ, തുടങ്ങിയവർ പങ്കെടുക്കും, കൂടാതെ AAWK സംസ്ഥാന പ്രസിഡന്റായി തിരഞ്ഞെടുക്കപ്പെട്ട കെ. ജി. ഗോപകുമാറിനെ അനുമോദിക്കുമെന്നും. പൊതു രംഗത്ത് മികവ് തെളിയിച്ച അംഗം ഷാജി വലിയകുന്നത്തിനെ ആദരിക്കുമെന്നും. കൂടാതെ അംഗങ്ങളുടെ കുട്ടികളിൽ വിദ്യാഭ്യാസ, കല കായിക രംഗങ്ങളിൽ കഴിവ് തെളിയിച്ചവരെയും ചടങ്ങിൽ ആദരിക്കുമെന്നും പത്രസമ്മേളനത്തിൽ ഭാരവാഹികൾ അറിയിച്ചു.
മീഡിയ അക്കാദമിയിൽ സംഘടിപ്പിച്ച വാർത്താ സമ്മേളനത്തിൽ ജില്ലാ പ്രസിഡന്റ്‌ വിനു കണ്ണൻ, സംസ്ഥാന രക്ഷാധിക്കാരി രാജേഷ് പാലാ, ജില്ലാ സെക്രട്ടറി തോമസുകുട്ടി മൈലാടിയിൽ, ജില്ലാ ട്രഷറർ സജികുമാർ, സംസ്ഥാന കമ്മിറ്റി അംഗം രൂപേഷ് റോയ്. തുടങ്ങിയവർ പങ്കെടുത്തു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/E7UdXzZbCi1HWIDpHjZp9r
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
