പ്രഭാത വാർത്തകൾ

പാലാ വിഷൻ പ്രഭാത വാർത്തകൾ
ജൂൺ 11, 2023 ഞായർ 1198 ഇടവം 28

ന്യൂസ് ദിവസേന ലഭിക്കുവാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക.
https://chat.whatsapp.com/GKf2ow9DTIBEOAhaSLrGs7

🗞🏵 ഒമ്പത് വർഷത്തിനുള്ളിൽ പ്രധാനമന്ത്രി നരേന്ദ്ര മോദിയുടെ കീഴിൽ ഇന്ത്യയുടെ കടം ഏകദേശം മൂന്നു മടങ്ങ് വർധിച്ച് 155 ലക്ഷം കോടി രൂപയായെന്നു കോണ്‍ഗ്രസ്. സമ്പദ്‌വ്യവസ്ഥയെക്കുറിച്ചു ധവളപത്രം ഇറക്കണമെന്നും കോൺഗ്രസ് ആവശ്യപ്പെട്ടു. 2014ല്‍ ഇന്ത്യയുടെ കടം 55 ലക്ഷം കോടിയായിരുന്നു. എന്നാലതു നിലവിൽ 155 ലക്ഷം കോടിയായി. മോദി സർക്കാരിന്റെ സാമ്പത്തിക കെടുകാര്യസ്ഥതയാണു നിലവിലെ സാമ്പത്തികാവസ്ഥയുടെ കാരണമെന്നും കോൺഗ്രസ് വക്താവ് സുപ്രിയ ശ്രിനേറ്റ് കുറ്റപ്പെടുത്തി. 

🗞🏵 ആധാർ സൗജന്യമായി പുതുക്കാം, സെപ്റ്റംബർ 14 വരെ സമയം. ആധാർ അനുബന്ധ രേഖകൾ ഓൺലൈനായി സൗജന്യമായി പുതുക്കുന്നതിനുള്ള സമയം സെപ്റ്റംബർ 14 വരെ നീട്ടി. myaadhaar.uidai.gov.in എന്ന വെബ്സൈറ്റിൽ Document Update ഓപ്ഷൻ വഴി രേഖകൾ പുതുക്കാം. അക്ഷയ സെന്ററുകൾ അടക്കമുള്ള ആധാർ കേന്ദ്രങ്ങളിൽ പോയി ചെയ്യുന്നതിന് 50 രൂപ നൽകണം. 10 വർഷത്തിലൊരിക്കൽ ആധാറിന്റെ അനുബന്ധ തിരിച്ചറിയൽ രേഖകൾ പുതുക്കാനാണ് യുഐഡിഎഐ പ്രേരിപ്പിക്കുന്നത്.

🗞🏵 റോഡുകളിൽ സ്ഥാപിച്ച എ.ഐ. ക്യാമറ ട്രാഫിക്‌ ലംഘനം കണ്ടെത്തിയാൽ പിഴത്തുക അടയ്ക്കാനാവുക ഓൺലൈനിൽ മാത്രം. ഇ-ചലാൻ ഡോട്ട് പരിവാഹൻ സെറ്റിലൂടെ സ്വന്തമായോ അക്ഷയകേന്ദ്രം വഴിയോ പിഴയടയ്ക്കാം. പിഴത്തുക എവിടെ അടയ്ക്കണമെന്നറിയാതെ ആർ.ടി.ഒ. ഓഫീസിൽവരെ ഇപ്പോൾ ആളുകളെത്തുന്നുണ്ട്.

🗞🏵 അരിക്കൊമ്പന് സംരക്ഷണം ഒരുക്കണമെന്നും ചിന്നക്കനാലിലേയ്ക്ക് തിരികെ കൊണ്ടുവരണമെന്നും ആവശ്യപ്പെട്ട് കൊച്ചിയില്‍ പ്രതിഷേധപ്രകടനം. മൃഗസ്‌നേഹികളുടെ മൃഗസ്‌നേഹികളുടെ കൂട്ടായ്മയായ യുണൈറ്റഡ് ഫോറം ഫോര്‍ അനിമല്‍സ് ആണ് പ്രകടനം സംഘടിപ്പിച്ചത്. സ്ത്രീകളും കുട്ടികളും ഉള്‍പ്പെടെ നൂറുകണക്കിനാളുകള്‍ പ്രകടനത്തിനെത്തി
 
🗞🏵 തന്റെ ചുറ്റുംനിൽക്കുന്നവർ എത്രലക്ഷം ചെലവാക്കിയെന്ന് അറിയില്ലെന്ന് മുഖ്യമന്ത്രി പിണറായി വിജയൻ. ലോക കേരള സഭ ന്യൂയോർക്ക് മേഖലാ സമ്മേളനം ഉദ്ഘാടനത്തിനിടെയാണ് സമ്മേളനത്തിനെതിരെ ഉയർന്ന വിമർശനങ്ങൾക്കെതിരെ മുഖ്യമന്ത്രി ശക്തമായി പ്രതികരിച്ചത്. ‘‘സമ്മേളനത്തിൽ എന്തു സ്വജനപക്ഷപാതമാണ് ഉണ്ടായത്, സ്‌പോൺസർഷിപ് ആദ്യമായാണോ?. ലോക കേരള സഭയെ വിവാദമാക്കാൻ ചിലർ ബോധപൂർവം ശ്രമിച്ചു. നട്ടാൽ പൊടിക്കാത്ത നുണ പ്രചരിപ്പിക്കുവാനായിരുന്നു ശ്രമം. അതത് മേഖലയിലുള്ളവരാണ് ലോക കേരള സഭ നടത്തുന്നത്’’ – മുഖ്യമന്ത്രി കൂട്ടിച്ചേർത്തു.

🗞🏵 മുസ്ലീം സംവരണം ആവശ്യമില്ല എന്നാണ് ബിജെപി നിലപാടെന്ന് കേന്ദ്ര ആഭ്യന്തര മന്ത്രി അമിത് ഷാ. മുസ്ലീം സംവരണം ഭരണഘടനാ വിരുദ്ധമാണെന്നും മതത്തിന്റെ അടിസ്ഥാനത്തിൽ സംവരണം പാടില്ലെന്നും അദ്ദേഹം വ്യക്തമാക്കി. ഇക്കാര്യത്തിൽ ഉദ്ധവ് താക്കറെ നിലപാട് വ്യക്തമാക്കണമെന്ന് മഹാരാഷ്ട്രയിലെ നന്ദേഡിൽ നടന്ന പൊതുയോ​ഗത്തിൽ സംസാരിക്കവേ അമിത് ഷാ ആവശ്യപ്പെട്ടു.
 
🗞🏵 ഹോ​ട്ട​ലി​ൽ നി​ന്ന് ല​ഭി​ച്ച പാ​ഴ്സ​ലി​ലെ ഭ​ക്ഷ്യ​വ​സ്തു​ക്ക​ളു​ടെ അ​ള​വി​നെ​ച്ചൊ​ല്ലി​യു​ള്ള ത​ർ​ക്ക​ത്തി​നി​ടെ ദ​ളി​ത് യു​വാ​വി​നെ ആ​ൾ​ക്കൂ​ട്ടം മ​ർ​ദി​ച്ച് കൊ​ല​പ്പെ​ടു​ത്തി. ഗു​ജ​റാ​ത്തി​ലെ മ​ഹി​സാ​ഗ​ർ സ്വ​ദേ​ശി​യാ​യ രാ​ജു വാ​ൻ​ക​ർ(45) ആ​ണ് മ​രി​ച്ച​ത്. ബു​ധ​നാ​ഴ്ച വൈ​കി​ട്ട് ആ​ൾ​ക്കൂ​ട്ട​ത്തി​ന്‍റെ മ​ർ​ദ​ന​മേ​റ്റ വാ​ൻ​ക​ർ വ​ഡോ​ദ​ര​യി​ലെ ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ ഇ​ന്ന് വൈ​കി​ട്ടാ​ണ് മ​രി​ച്ച​ത്.

🗞🏵 കി​ഴ​ക്ക​ൻ തു​ർ​ക്കി​യി​ലെ ആ​യു​ധ നി​ർ​മാ​ണ​ശാ​ല​യി​ലു​ണ്ടാ​യ സ്ഫോ​ട​ന​ത്തി​ൽ അ​ഞ്ച് തൊ​ഴി​ലാ​ളി​ക​ൾ കൊ​ല്ല​പ്പെ​ട്ടു. എ​ൽ​മാ​ദാ​ഗ് മേ​ഖ​ല​യി​ൽ സ്ഥി​തി ചെ​യ്യു​ന്ന സൈ​നി​ക നി​യ​ന്ത്ര​ണ​ത്തി​ലു​ള്ള ആ​യു​ധ നി​ർ​മാ​ണ​ശാ​ല​യി​ൽ ഇ​ന്ന് ഉ​ച്ച​യോ​ടെ​യാ​ണ് അ​പ​ക​ടം ന​ട​ന്ന​ത്. ഡൈ​ന​മൈ​റ്റ് നി​ർ​മാ​ണ​ശാ​ല​യി​ലു​ണ്ടാ​യ രാ​സ​സ്ഫോ​ട​ന​മാ​ണ് അ​പ​ക​ട​കാ​ര​ണ​മെ​ന്ന് അ​ധി​കൃ​ത​ർ അ​റി​യി​ച്ചു.

🗞🏵 രാ​ജ്യ​ത്തെ മെ​ഡി​ക്ക​ൽ ബി​രു​ദ കോ​ഴ്സു​ക​ളി​ലേ​യ്ക്ക് ഇ​നി മു​ത​ൽ കേ​ന്ദ്രീ​കൃ​ത കൗ​ണ്‍​സി​ലിം​ഗ് ന​ട​പ്പാ​ക്ക​ണ​മെ​ന്ന നി​ർ​ദേ​ശ​വു​മാ​യി ദേ​ശീ​യ മെ​ഡി​ക്ക​ൽ ക​മ്മീ​ഷ​ൻ (എ​ൻ​എം​സി). നീ​റ്റ് യു​ജി മെ​റി​റ്റ് ലി​സ്റ്റി​നെ അ​ടി​സ്ഥാ​ന​മാ​ക്കി​യാ​ക​ണം മെ​ഡി​ക്ക​ൽ ബി​രു​ദ കോ​ഴ്സു​ക​ളി​ലേ​യ്ക്ക് കൗ​ണ്‍​സി​ലിം​ഗ് ന​ട​ത്തേ​ണ്ട തെ​ന്നും എ​ൻ​എം​സി വ്യ​ക്ത​മാ​ക്കി.

🗞🏵 ലോ​ക​കേ​ര​ള​സ​ഭ​യെ വി​വാ​ദ​മാ​ക്കാ​ൻ ബോ​ധ​പൂ​ർ​വ​മാ​യ ശ്ര​മ​മു​ണ്ടാ​യെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ. ന​ട്ടാ​ൽ​പൊ​ടി​ക്കാ​ത്ത നു​ണ പ്ര​ച​രി​പ്പി​ക്കാ​ൻ ശ്ര​മ​മു​ണ്ടാ​യെ​ന്നും അ​ദ്ദേ​ഹം പ​റ​ഞ്ഞു. ന്യൂ​യോ​ർ​ക്കി​ൽ ലോ​ക​കേ​ര​ള​സ​ഭ മേ​ഖ​ലാ സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

🗞🏵 ആർട്ടിഫിഷ്യൽ ഇന്റലിജൻസ് തൊഴിൽ മേഖലയിലടക്കം തുറക്കുന്ന സാധ്യതകൾ പരമാവധി പ്രയോജനപ്പെടുത്തണമെന്ന് മുഖ്യമന്ത്രി പിണറായി വിജയൻ. മുഖ്യമന്ത്രിയുടെ പ്രതിവാര ടെലിവിഷൻ സംവാദ പരിപാടിയായ ‘നാം മുന്നോട്ട്’ -ന്റെ പുതിയ എപ്പിസോഡിൽ സംസാരിക്കുകയായിരുന്നു അദ്ദേഹം.
 
🗞🏵 എസ്എഫ്ഐയില്‍ വീണ്ടും ലഹരി വിവാദം. തിരുവനന്തപുരം ജില്ലാ സമ്മേളനത്തിലാണ് സംസ്ഥാന സമിതിയംഗത്തിനെതിരെ ആരോപണമുയര്‍ന്നത്. ഇയാള്‍ ലഹരി ഉപയോഗിക്കുന്ന ഫോട്ടോ പുറത്തുവന്നിട്ടുപോലും നടപടിയുണ്ടായില്ലെന്ന് പാറശാല, വിതുര കമ്മിറ്റികളില്‍ നിന്ന് വിമര്‍ശനം ഉയര്‍ന്നു.

🗞🏵 *പെറ്റി കേസ് രേഖപ്പെടുത്തി വിട്ടയക്കേണ്ട കേസുകളിൽ അനാവശ്യ ഇടപെടലുകൾ നടത്തി വ്യക്തികളുടെ ആത്മാഭിമാനത്തെയും സഞ്ചാരസ്വാതന്ത്ര്യത്തെ ഹനിക്കുകയും മനുഷ്യാവകാശങ്ങൾ ലംഘിക്കുകയും ചെയ്യുന്ന സംഭവങ്ങൾ ആവർത്തിക്കാതിരിക്കാൻ പോലീസ് സേനാംഗങ്ങൾക്ക് സംസ്ഥാന പോലീസ് മേധാവി കർശന നിർദ്ദേശം നൽകണമെന്ന് മനുഷ്യാവകാശ കമ്മീഷൻ.
 
🗞🏵 എഐസിസി ജനറൽ സെക്രട്ടറി പ്രിയങ്ക ​ഗാന്ധി ദേശീയ തലത്തിൽ കൂടുതൽ ചുമതലകൾ ഏറ്റെടുക്കുമെന്ന് റിപ്പോർട്ട്. ഇതിന്റെ ഭാ​ഗമായി ഉത്തർപ്രദേശിന്റെ ചുമതല പ്രിയങ്ക ​ഗാന്ധി ഒഴിയും. പ്രിയങ്കയെ പോലൊരു നേതാവിനെ ഉത്തർപ്രദേശിന്റെ മാത്രം ചുമതലയിൽ ഒതുക്കി നിർത്തേണ്ടതില്ലെന്നാണ് പാർട്ടി തീരുമാനം. ഉത്തർപ്രദേശിൽ കോൺ​ഗ്രസിന്റെ സംഘടനാ സംവിധാനങ്ങൾ ദുർബലമാണ്. അതേസമയം, ഈ വർഷം നിയമസഭാ തെരഞ്ഞെടുപ്പ് നടക്കാനിരിക്കുന്ന നാല് സംസ്ഥാനങ്ങളിൽ പാർട്ടി സംവിധാനങ്ങളെ കൂടുതൽ ശക്തമാക്കുക എന്നതാകും പ്രിയങ്കയുടെ ചുമതല. 

🗞🏵 അരിക്കൊമ്പന്‍ കന്യാകുമാരി വന്യജീവി സങ്കേതത്തിലേക്ക് കടന്നതായി റേഡിയോ കോളര്‍ സന്ദേശം. വെള്ളിയാഴ്ച രാത്രിയാണ് കന്യാകുമാരി വന്യജീവി സാങ്കേതത്തിലേക്ക് ആന കടന്നത്. റേഡിയോ കോളര്‍ സിഗ്നലുകള്‍ ലഭിക്കുന്നുണ്ടെന്നും ഇന്നലെ രാത്രി അരിക്കൊമ്പന്‍ കിലോമീറ്ററുകളോളം സഞ്ചരിച്ചുവെന്നാണ് സിഗ്‌നല്‍ പരിശോധിച്ചതില്‍ നിന്നും വ്യക്തമാകുന്നതെന്നും തമിഴ്‌നാട് വനംവകുപ്പ് അറിയിച്ചു.

🗞🏵 കൊല്ലപ്പെട്ട ​ഗുണ്ടാനേതാവിന്റെ ഭൂമിയിൽ ഫ്ലാറ്റുകൾ നിർമ്മിച്ച് പാവങ്ങൾക്ക് നൽകി ഉത്തർപ്രദേശ് സർക്കാർ. ഗുണ്ടാ നേതാവ് അതീഖ് അഹമ്മദിന്റെ പക്കൽനിന്ന് കണ്ടുകെട്ടിയ വസ്തുവിലാണ് യുപി സർക്കാർ 76 ഫ്ലാറ്റുകൾ നിർമ്മിച്ചത്. ട്ടികജാതി– പട്ടിക വർഗ വിഭാഗക്കാർ, മറ്റു പിന്നാക്ക സമുദായക്കാർ, അംഗവൈകല്യമുള്ള മുതിർന്ന പൗരന്മാർ എന്നിവർക്കാകും ആധുനിക സൗകര്യങ്ങളോടു കൂടിയ ഫ്ലാറ്റ് നൽകുക.

🗞🏵 ഭീകര സംഘടനയായ ഇസ്ലാമിക് സ്റ്റേറ്റിന്റെ ഭാ​ഗമായ നാലുപേർ ​ഗുജറാത്തിൽ പിടിയിലായി. തീരദേശ പട്ടണമായ പോർബന്തറിൽ നിന്നാണ് ഒരു സ്ത്രീയെയും മൂന്നു പുരുഷന്മാരെയും ഗുജറാത്ത് പോലീസിന്റെ തീവ്രവാദ വിരുദ്ധ സ്ക്വാഡ് പിടികൂടിയത്. വിദേശ പൗരനായ ഒരാളുമായി ബന്ധപ്പെട്ട കേന്ദ്രങ്ങളിൽ റെയ്‌ഡ്‌ നടക്കുന്നുണ്ടെന്നാണ് പുറത്തുവരുന്ന റിപ്പോർട്ടുകൾ.

🗞🏵 ട്രെയിൻ ടിക്കറ്റ് റദ്ദാക്കാതെ തന്നെ ഇനി മുതൽ യാത്രാ തീയതിയിൽ മാറ്റം വരുത്താം. അധിക നിരക്ക് ഈടാക്കാതെയായിരിക്കും ഈ സേവനം നിങ്ങൾക്ക് ലഭ്യമാകുക. ഇതിനായി റെയിൽവേ പുതിയ നിയമനം ആവിഷ്‌ക്കരിച്ചു. ടിക്കറ്റ് റദ്ദാക്കിയ ശേഷം പുതിയ ടിക്കറ്റ് എടുക്കുകയായിരുന്നു ഇതുവരെ ചെയ്തിരുന്നത്. അങ്ങനെ വരുമ്പോൾ ടിക്കറ്റ് റദ്ദാക്കിയ ചാർജ് നൽകേണ്ടി വരും. ഇതിലാണ് ഇപ്പോൾ മാറ്റം വന്നിരിക്കുന്നത്.
 
🗞🏵 മണിപ്പൂർ മുഖ്യമന്ത്രി ബിരേൻ സിംഗും, അസം മുഖ്യമന്ത്രി ഹിമന്ത ബിശ്വ ശർമ്മയും തമ്മിൽ കൂടിക്കാഴ്ച നടത്തി. മണിപ്പൂരിൽ വീണ്ടും സംഘർഷം രൂക്ഷമായതിന്റെ പശ്ചാത്തലത്തിലാണ് ഇരു മുഖ്യമന്ത്രിമാരും കൂടിക്കാഴ്ച നടത്തിയത്. നിലവിൽ, ഇരുവരും തമ്മിൽ സംസ്ഥാനത്തെ സ്ഥിതിഗതികൾ വിലയിരുത്തിയിട്ടുണ്ട്. കഴിഞ്ഞ ഏതാനും ദിവസങ്ങളായി മണിപ്പൂരിൽ സമാധാനം പുനസ്ഥാപിച്ചുവെങ്കിലും, വീണ്ടും സംഘർഷം പൊട്ടിപ്പുറപ്പെടുകയായിരുന്നു.

🗞🏵 മണിപ്പൂരിൽ വീണ്ടും സംഘർഷം പൊട്ടിപ്പുറപ്പെട്ട പശ്ചാത്തലത്തിൽ സമാധാന സമിതി രൂപീകരിച്ച് കേന്ദ്രസർക്കാർ. ഗവർണർ അനുസൂയ ഉയ്കെയുടെ അധ്യക്ഷതയിലാണ് സമിതി രൂപീകരിച്ചിട്ടുള്ളത്. സമിതിയിൽ മുഖ്യമന്ത്രി, സംസ്ഥാന മന്ത്രിമാർ, എംപിമാർ, എംഎൽഎമാർ, വിവിധ രാഷ്ട്രീയ പാർട്ടി നേതാക്കൾ എന്നിവർ അംഗങ്ങളാണ്. കഴിഞ്ഞ ദിവസം മണിപ്പൂർ കലാപവുമായി ബന്ധപ്പെട്ട് സംസ്ഥാനം റഫർ ചെയ്ത 6 കേസുകൾ അന്വേഷിക്കാൻ ഡിഐജി റാങ്കിലുള്ള ഉദ്യോഗസ്ഥന്റെ കീഴിൽ സിബിഐ 10 അംഗ പ്രത്യേക അന്വേഷണ സംഘത്തെ രൂപീകരിച്ചിട്ടുണ്ട്. ഇതിന് പിന്നാലെയാണ് സമാധാന സമിതിക്കും രൂപം നൽകിയിരിക്കുന്നത്.
 
🗞🏵 ഒഡീഷയിലെ ബാലസോറില്‍ ട്രെയിന്‍ അപകടം നടന്ന സ്റ്റേഷനില്‍ ഒരു ട്രെയിനും ഇനി നിര്‍ത്തില്ല. അപകടത്തെക്കുറിച്ച് അന്വേഷിക്കുന്ന സിബിഐ സംഘം ബഹനാഗ സ്റ്റേഷനിലെ ലോഗ് ബുക്കും റിലേ പാനലും ഉപകരണങ്ങളും പിടിച്ചെടുത്ത ശേഷമാണ് സ്റ്റേഷന്‍ സീല്‍ ചെയ്തത്.റെയില്‍വേ ഉദ്യോഗസ്ഥരാണ് ഇക്കാര്യം അറിയിച്ചത്. ജൂണ്‍ രണ്ടിനായിരുന്നു രണ്ട് പാസഞ്ചര്‍ ട്രെയിനുകളും ഒരു ഗുഡ്‌സ് ട്രെയിനും ഉള്‍പ്പെട്ട ട്രെയിന്‍ ദുരന്തമുണ്ടായത്. അപകടത്തില്‍ 288 പേര്‍ കൊല്ലപ്പെടുകയും 1200-ലധികം പേര്‍ക്ക് പരിക്കേല്‍ക്കുകയും ചെയ്തു.

🗞🏵 ലെസ്ബിയന്‍ പങ്കാളിയെ വീട്ടുകാർ തടവില്‍ വച്ചിരിക്കുകയാണെന്നും അവരെ വിട്ടുകിട്ടണമെന്നും ആവശ്യപ്പെട്ട് യുവതി ഹൈക്കോടതിയില്‍. പങ്കാളിയായ ഹഫീഫയെ കുടുബം തടങ്കലില്‍ വച്ചിരിക്കുകയാണെന്ന് കാട്ടി മലപ്പുറം കൊണ്ടൊട്ടി സ്വദേശിനി സുമയ്യയാണ് ഹേബിയസ് കോര്‍പ്പസ് ഹര്‍ജിയുമായി ഹൈക്കോടതിയെ സമീപിച്ചിരിക്കുന്നത്.
കഴിഞ്ഞ രണ്ട് വര്‍ഷമായി ഇവര്‍ സൗഹൃദത്തിലാണ്.

🗞🏵 ജൂൺമാസം 23 ാം തീയതി വെള്ളിയാഴ്ച നടത്താൻ നിശ്ചയിച്ച പിഎസ്‌സി പരീക്ഷയുടെ സമയം മാറ്റണമെന്ന് ആവശ്യപ്പെട്ട് കേരള മുസ്ലീം ജമാഅത്ത്. ഹയർസെക്കൻഡറി അറബി അദ്ധ്യാപക എച്ച്എസ്എസ്ടി ഓൺ ലൈൻ പരീക്ഷയുടെ സമയം മാറ്റണമെന്നാണ് ആവശ്യം. ജൂൺ 23 വെള്ളിയാഴ്ച പകൽ 11.15 മുതൽ 1.45 വരെയാണ് പരീക്ഷാ സമയം നിശ്ചയിച്ചിരിക്കുന്നത്.

🗞🏵 കോ​ഴി​ക്കോ​ട് കൂ​ട​ര​ഞ്ഞി​യി​ൽ ബൈ​ക്കും ഓ​ട്ടോ​യും കൂ​ട്ടി​യി​ടി​ച്ച് ര​ണ്ട് യു​വാ​ക്ക​ൾ മ​രി​ച്ചു. തോ​ട്ട​പ്പ​ള്ളി സ്വ​ദേ​ശി ജി​ബി​ൻ സാ​ബു, കാ​ര​ശേ​രി പാ​റ​ത്തോ​ട് സ്വ​ദേ​ശി അ​മേ​സ് സെ​ബാ​സ്റ്റ്യ​ൻ എ​ന്നി​വ​രാ​ണ് മ​രി​ച്ച​ത്. ഇ​ന്നലെ വൈ​കീ​ട്ട് കൂ​ട​ര​ഞ്ഞി- മു​ക്കം റോ​ഡി​ൽ താ​ഴെ​ക്കൂ​ടാ​ര​ഞ്ഞി​യി​ൽ വൈ​കു​ന്നേ​രം 5.45നാ​യി​രു​ന്നു അ​പ​ക​ടം.

🗞🏵 വി​വാ​ദ​ങ്ങ​ൾ വ​ട്ട​മി​ട്ട് പ​റ​ക്കു​ന്ന തി​രു​വ​ന​ന്ത​പു​രം ജി​ല്ല​യി​ലെ എ​സ്എ​ഫ്ഐയുടെ സ​മ്മേ​ള​ന​ത്തി​നി​ടെ കൈ​യാ​ങ്ക​ളി. കാ​ട്ട​ക്ക​ട ക്രി​സ്ത്യ​ൻ കോ​ള​ജി​ലെ യു​യു​സി ആ​ൾ​മാ​റാ​ട്ട​ക്കേ​സി​ൽ ഉ​ൾ​പ്പെ​ട്ട ആ​ദി​ത്യ​നെ ജി​ല്ലാ പ്ര​സി​ഡ​ന്‍റ് പ​ദ​വി​യി​ൽ നി​ന്ന് മാ​റ്റി​യ​താ​ണ് കൈ​യാ​ങ്ക​ളി​ക്ക് വ​ഴി​വ​ച്ച​ത്. കാ​ട്ടാ​ക്ക​ട കോ​ള​ജി​ലെ ആ​ൾ​മാ​റാ​ട്ടം സ​ർ​വ​ക​ലാ​ശാ​ല​യെ അ​റി​യി​ച്ച സം​ഭ​വ​ത്തി​ൽ ആ​ദി​ത്യ​നെ​തി​രെ​യും ആ​രോ​പ​ണം ഉ​യ​ർ​ന്നി​രു​ന്നു.
 
🗞🏵 ഹെര്‍ണിയ രോഗത്തിന് അടിയന്തിര ശസ്ത്രക്രിയക്ക് വിധേയനായ ഫ്രാന്‍സിസ് പാപ്പയുടെ ആരോഗ്യം ക്രമാനുഗതമായി മെച്ചപ്പെട്ട് വരികയാണെന്നു വത്തിക്കാന്‍. ഇന്നലെ രാവിലെ പ്രഭാത ഭക്ഷണം കഴിക്കുകയും, കിടക്കയില്‍ നിന്നും മാറി ചാരുകസേരയില്‍ ഇരിന്നുവെന്നും ആരോഗ്യം മെച്ചപ്പെടുന്നുണ്ടെന്നും വത്തിക്കാന്‍ ഔദ്യോഗിക വക്താവ് മാറ്റിയോ ബ്രൂണി മാധ്യമങ്ങളെ അറിയിച്ചു. ശസ്ത്രക്രിയാനന്തര പുരോഗതി സാധാരണ ഗതിയില്‍ തന്നെയാണെന്നും, ഫ്രാന്‍സിസ് പാപ്പ പത്രം വായിക്കുകയും, ചില ജോലികള്‍ ചെയ്തതായും മെഡിക്കല്‍ ടീം അറിയിച്ചതായി ഇന്നലെ പുറത്തുവിട്ട പ്രസ്താവനയില്‍ പറയുന്നു.

🗞🏵 ക്രൈസ്തവർക്കെതിരെ ഇസ്രായേലിൽ നടക്കുന്ന അതിക്രമങ്ങളെ അപലപിച്ച് ജെറുസലേമിലെ സെഫാർഡിഗ് യഹൂദ വിഭാഗത്തിന്റെ റബ്ബി ഷ്ലോമോ അമാർ. ഇക്കഴിഞ്ഞ ചൊവ്വാഴ്ചയാണ് ക്രൈസ്തവർക്കെതിരെ നടക്കുന്ന അതിക്രമങ്ങളെ അദ്ദേഹം പ്രസ്താവനയിലൂടെ തള്ളിപ്പറഞ്ഞത്. മെയ് 28നു ജെറുസലേമിലെ ഡെപ്യൂട്ടി മേയറിന്റെ നേതൃത്വത്തിൽ വിലാപ മതിലിന് സമീപം ക്രൈസ്തവർക്കെതിരെ പ്രതിഷേധ പ്രകടനം നടന്നിരുന്നു. ഇതിന് പിന്നാലെയാണ് റബ്ബി ഷ്ലോമോ അമാറിന്റെ പ്രതികരണം വന്നിരിക്കുന്നത്. ചില ചെറുപ്പക്കാരായ യഹൂദരും, ദൈവത്തെ ഭയമുണ്ടെന്നും പുറമേ കാണിക്കുന്നവരും ക്രൈസ്തവരെ ശാപ വാക്കുകളാലും, നിന്ദകളാലും പീഡിപ്പിക്കുന്നുവെന്ന് മത പുരോഹിതരിൽ നിന്ന് കേൾക്കുമ്പോൾ തങ്ങൾക്ക് വിഷമമുണ്ടെന്ന് റബ്ബി പറഞ്ഞു.

🗞🏵 ഓസ്ട്രേലിയയിലെ ടാസ്മാനിയ സംസ്ഥാനത്തിന്റെ തലസ്ഥാനമായ ഹോബാര്‍ട്ടില്‍ ഇക്കഴിഞ്ഞ ജൂണ്‍ 2ന് ആരംഭിച്ച പൈശാചിക ആഘോഷമായ ഡാര്‍ക്ക് മോഫോ ഫെസ്റ്റിവലിനെതിരെ പ്രതിഷേധം ശക്തമാകുന്നു. തലതിരിച്ച കുരിശ് രൂപങ്ങളും ഇരുട്ടിനെ പുകഴ്ത്തുന്ന സംഗീത പരിപാടികളും, പൈശാചികത നിറഞ്ഞ വൈദ്യുത അലങ്കാരങ്ങളും, ആഘോഷത്തിന്റെ ഭാഗമായതോടെ വലിയ പ്രതിഷേധമാണ് ഉയരുന്നത്. ഇതിനെല്ലാം പുറമേ, സ്ത്രീപുരുഷ വ്യത്യാസമില്ലാതെ ഡെര്‍വെന്റ് നദിയിലുള്ള പൂര്‍ണ്ണ നഗ്നമായ നീന്തലും വിവാദമായിരിക്കുകയാണ്. പരിപാടിക്കെതിരെ ശക്തമായ പ്രതിഷേധം ഉയര്‍ത്തി ഓസ്ട്രേലിയന്‍ ക്രിസ്ത്യന്‍ സംഘടനകൾ രംഗത്ത് വന്നു.

ന്യൂസ് ദിവസേന ലഭിക്കുവാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/GKf2ow9DTIBEOAhaSLrGs7
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
Website pala.vision