2026 സെപ്റ്റംബർ 23 ബുധൻ കന്നി 07
👉📰 3,000 കിലോമീറ്റർ വരെ ദൂരപരിധിയുള്ള ലോംഗ് റേഞ്ച് ആക്രമണ ഡ്രോണുകൾ പാകിസ്ഥാൻ നിർമ്മിക്കുന്നതായി റിപ്പോർട്ടുകൾ. പുതിയ ഡ്രോൺ സാങ്കേതികവിദ്യ വികസിപ്പിക്കുന്നതോടെ കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങളും പാകിസ്ഥാന്റെ ആക്രമണ പരിധിയിലാകുമെന്ന ഗുരുതരമായ ആശങ്ക പ്രതിരോധ വിദഗ്ധർ പങ്കുവെക്കുന്നു.
👉📰 സംസ്ഥാനത്തെ വൈദ്യുതി നിയന്ത്രണം ഒഴിവാക്കാനായി ഉത്തരേന്ത്യൻ സംസ്ഥാനങ്ങളിൽ നിന്ന് കൂടുതൽ വൈദ്യുതി എത്തിക്കാനുള്ള കെ.എസ്.ഇ.ബി.യുടെ ശ്രമങ്ങൾക്ക് തിരിച്ചടി. ഡൽഹി, ഉത്തർപ്രദേശ്, ഒഡീഷ, ഹിമാചൽ പ്രദേശ് എന്നീ സംസ്ഥാനങ്ങളിലെ അധികൃതരുമായി KSEB ഡയറക്ടർമാർ നടത്തിയ ചർച്ചയിൽ കാര്യമായ പുരോഗതിയുണ്ടായില്ല.
👉📰 കേരള പൊലീസിന്റെ ലഹരിവിരുദ്ധ പദ്ധതിയായ ‘തൂഫാന്’ വേണ്ടിയുള്ള ‘തൂഫാൻ കി ആവാസ്’ എന്ന പ്രചാരണ ഗാനം ഇന്ന് പുറത്തിറങ്ങും. കെ.എസ്. ചിത്ര ആലപിച്ച ഗാനം വൈകുന്നേരം 5 മണിക്ക് പ്രസ് ക്ലബ്ബിൽ നടക്കുന്ന ചടങ്ങിൽ ആഭ്യന്തര മന്ത്രി രമേശ് ചെന്നിത്തല പ്രകാശനം ചെയ്യും.
👉📰 ഉത്തർപ്രദേശ്, ഉത്തരാഖണ്ഡ്, പശ്ചിമബംഗാൾ എന്നീ സംസ്ഥാനങ്ങളിലെ ഒഴിവുള്ള 12 രാജ്യസഭാ സീറ്റുകളിലേക്ക് ഒക്ടോബർ 16-ന് തെരഞ്ഞെടുപ്പ് നടക്കുമെന്ന് കേന്ദ്ര തെരഞ്ഞെടുപ്പ് കമ്മീഷൻ പ്രഖ്യാപിച്ചു. ഉത്തർപ്രദേശിലെ 10 സീറ്റുകളിലേക്കും ഉത്തരാഖണ്ഡ്, പശ്ചിമബംഗാൾ എന്നിവിടങ്ങളിലെ ഓരോ സീറ്റുകളിലേക്കുമാണ് തെരഞ്ഞെടുപ്പ്.
👉📰 ഈസ്റ്റർ ദിന ബോംബാക്രമണം: 15 ഭീകരർ കുറ്റക്കാരാണെന്ന് ശ്രീലങ്കൻ കോടതി. 2019-ൽ 270 പേരുടെ മരണത്തിനിടയാക്കിയ ഈസ്റ്റർ ദിന ബോംബാക്രമണ കേസിൽ 15 ഇസ്ലാമിക ഭീകരർ കുറ്റക്കാരാണെന്ന് ശ്രീലങ്കൻ കോടതി കണ്ടെത്തി. മൂന്ന് കത്തോലിക്കാ ദേവാലയങ്ങളിലും മൂന്ന് പ്രമുഖ ഹോട്ടലുകളിലുമാണ് ഭീകരർ സ്ഫോടനം നടത്തിയത്.
👉📰 ഇന്ത്യ-പാക് സംഘർഷം ഉൾപ്പെടെ 8 യുദ്ധങ്ങൾ പരിഹരിച്ചെന്ന് ട്രംപ് അമേരിക്കൻ പ്രസിഡന്റായി അധികാരമേറ്റ ശേഷം ഇന്ത്യയും പാകിസ്ഥാനും തമ്മിലുള്ള തർക്കങ്ങളടക്കം എട്ട് പ്രധാന ലോക സംഘർഷങ്ങൾ പരിഹരിച്ചതായി ട്രംപിന്റെ അവകാശവാദം. ട്രംപിന്റെ ഇടപെടൽ വഴി 3 കോടി ജനങ്ങളുടെ ജീവൻ രക്ഷിച്ചതിന് പാക് പ്രധാനമന്ത്രി നന്ദി അറിയിച്ചതായും ട്രംപ് അവകാശപ്പെട്ടു.
👉📰 സൊമാലിയൻ പ്രതിസന്ധിയിൽ ആശങ്ക അറിയിച്ച് ലെയോ പതിനാലാമൻ പാപ്പ. സൊമാലിയയിൽ പ്രകൃതിദുരന്തങ്ങളും അക്രമങ്ങളും കാരണം രൂക്ഷമായിക്കൊണ്ടിരിക്കുന്ന മാനുഷിക പ്രതിസന്ധിയിൽ കത്തോലിക്കാ സഭാധ്യക്ഷൻ ലെയോ പതിനാലാമൻ പാപ്പ ആശങ്ക പ്രകടിപ്പിച്ചു. വത്തിക്കാനിൽ ത്രികാല ജപ പ്രാർത്ഥനയ്ക്ക് ശേഷമാണ് പാപ്പ സന്ദേശം നൽകിയത്.
👉📰 ഡൽഹി കേന്ദ്രീകരിച്ച് മാരക ലഹരിവസ്തുവായ എംഡിഎംഎ നിർമിച്ചും വിദേശത്തുനിന്ന് എത്തിച്ചും ഇന്ത്യയിൽ വിതരണം ചെയ്യുന്ന വിദേശ വനിതകളെ കണ്ണൂർ സിറ്റി പൊലിസ് സ്ക്വാഡ് പിടികൂടി. നൈജീരിയൻ സ്വദേശിനി ചിനെലോ ലിലിയൻ (36), കാമറൂണിലെ ഫിലോമെനെ ചാൻസെലിൻ (30) എന്നിവരാണ് ഡൽഹി ബുരാരിയിൽ പിടിയിലായത്
👉📰 കേരളത്തിൽ പലയിടങ്ങളിലായി നിർമാണ കരാറെടുത്ത ശേഷം ഉടമകളിൽനിന്നും കോടികൾ തട്ടിയെന്ന കേസിൽ മാസങ്ങളായി ഒളിവിൽ കഴിഞ്ഞിരുന്ന മാസ്റ്റർ ബിൽറ്റ് ഇൻഫ്രാസ്ട്രക്ചർ എംഡി കെ.ജി. ശരത് ചെന്നൈയിൽ പിടിയിലായി. കാക്കനാട് ഇൻഫോ പാർക്ക് പൊലിസാണു ചെന്നൈയിൽനിന്നു ശരത്തിനെ അറസ്റ്റ് ചെയ്തത്.
👉📰 ഉന്നത വിദ്യാഭ്യാസ വകുപ്പിൽ കെട്ടിക്കിടക്കുന്ന സർവീസ് സംബന്ധമായ പരാതികളും ഫയലുകളും വേഗത്തിൽ തീർപ്പാക്കുന്നതിനായി പ്രത്യേക ‘സർവീസ് ക്ലിനിക് ’ സംഘടിപ്പിക്കുന്നു. ജീവനക്കാരുടെ ആനുകൂല്യങ്ങൾ, പ്രൊമോഷൻ, പെൻഷൻ, സർവീസ് ക്രമവത്കരണം എന്നിവയുമായി ബന്ധപ്പെട്ട തടസങ്ങൾ പരിഹരിച്ച് ഫയലുകൾ സമയബന്ധിതമായി തീർപ്പാക്കുകയാണ് ഈ സംരഭത്തിന്റെ പ്രധാന ലക്ഷ്യം
