വാഷിംഗ്ടൺ: ആർഎസ്എസ് (RSS) അധ്യക്ഷൻ മോഹൻ ഭഗവതിന്റെ വരാനിരിക്കുന്ന അമേരിക്കൻ സന്ദർശനത്തിന് മുന്നോടിയായി വിചിത്രമായ ആവശ്യങ്ങളുമായി യുഎസ് കമ്മീഷൻ ഓൺ ഇന്റർനാഷണൽ റിലീജിയസ് ഫ്രീഡം (USCIRF). മോഹൻ ഭഗവതുമായി നയതന്ത്ര തലത്തിലുള്ള ഉന്നതയോഗങ്ങൾ ചേരരുതെന്നും ആർഎസ്എസ് നേതാക്കൾക്ക് ഔദ്യോഗിക ബഹുമാനങ്ങൾ നൽകരുതെന്നും അമേരിക്കൻ ഭരണകൂടത്തോട് സംഘടന ആവശ്യപ്പെട്ടു.
ആർഎസ്എസ് ശതാബ്ദി ആഘോഷങ്ങളുടെ ഭാഗമായി ഓഗസ്റ്റ് 25 മുതൽ അമേരിക്ക, കാനഡ, യുകെ തുടങ്ങിയ രാജ്യങ്ങളിൽ മോഹൻ ഭഗവത് പര്യടനം നടത്തുന്നുണ്ട്. ന്യൂയോർക്കിൽ നടക്കുന്ന ‘യൂണിവേഴ്സൽ വൺനെസ് സസെലിബ്രേഷനിൽ’ അദ്ദേഹം പങ്കാളിയാകാനിരിക്കെയാണ് യുഎസ് കമ്മീഷന്റെ പ്രതികരണം. മുൻപും USCIRF ഉന്നയിച്ച ഏകപക്ഷീയമായ ആരോപണങ്ങളെ ഇന്ത്യ ശക്തമായി തള്ളിക്കളഞ്ഞിരുന്നു.
