നവജാത ശിശുവിനെ വില്പ്പന നടത്തിയ സംഭവത്തില് അന്വേഷണം തൊടുപുഴയിലും. ഫെബ്രുവരിയില് കുട്ടിയെ വിറ്റ ആശുപത്രിയില് അടക്കം പരിശോധന നടത്തി. ആദ്യ കേസില് ഈരാറ്റുപേട്ടയില് അറസ്റ്റിലായ പ്രതികളെ കസ്റ്റഡിയില് വാങ്ങി ചോദ്യം ചെയ്യും അസം
സ്വദേശിനിയുടെ പരാതിയില് അന്വേഷണം നടത്തിയ ഈരാറ്റുപേട്ട പൊലീസ് ആണ് തൊടുപുഴയില് കുട്ടിയെ വിറ്റ സംഭവം കണ്ടെത്തുന്നത്. ആദ്യ കേസില് പ്രതിയായ രാജിനെ കേന്ദ്രീകരിച്ച് നടത്തിയ അന്വേഷണമാണ് തൊടുപുഴയിലെ സംഭവത്തിലേക്ക് എത്തിച്ചത്. ഇതേതുടര്ന്ന് ഈ കേസ് ഈരാറ്റുപേട്ട പൊലീസ് തൊടുപുഴ പോലീസിന് കൈമാറി.
