2026 ഏപ്രിൽ 28 മെയ് വ്യാഴം 1199 ഇടവം 14
വാർത്തകൾ
📰👉 ഗാസയിലെ ദുരിതമനുഭവിക്കുന്ന ജനങ്ങളെ സഹായിക്കുകയും എല്ലാവരുടെയും മനുഷ്യാവകാശങ്ങളെ ബഹുമാനിക്കുകയും വേണമെന്നു ലെയോ പാപ്പ. ഇന്നലെ ചൊവ്വാഴ്ച വൈകുന്നേരം കാസ്റ്റൽ ഗാൻഡോൾഫോയ്ക്ക് പുറത്ത് മാധ്യമപ്രവർത്തകരോട് സംസാരിക്കുകയായിരിന്നു പാപ്പ.
📰👉 പ്രതിപക്ഷ നേതാവ് പിണറായി വിജയന്റെ തലസ്ഥാനത്തെ ബേക്കറി ജംഗ്ഷനിലെ വാടക വീട്ടില് റെയ്ഡിനെത്തിയ ഇ ഡി ഉദ്യോഗസ്ഥരെ ആക്രമിച്ച സംഭവത്തിലെ ആറ് പ്രതികളെ പിടികൂടിയത് സി പി എം വിട്ട് നല്കിയത് മൂലം. ആക്രമണത്തിന് ശേഷം പ്രതികള് സി പി എം പാളയം ഏരിയ കമ്മിറ്റി ഓഫീസിലാണ് അഭയം തേടിയത്
📰👉 അഭ്യൂഹങ്ങൾക്കിടെ കേരള നിയമസഭയിലെ ബിജെപി/എൻഡിഎ നിയമസഭാ കക്ഷി നേതാവായി ബീബി ഗോപകുമാർ എംഎൽഎ ചുമതലയേറ്റു. അദ്ദേഹത്തിന് ആശംസകളുമായി ബിജെപി കേരളം പ്രസിഡന്റ് ശ്രീ, രാജീവ് ചന്ദ്രശേഖർ രംഗത്തെത്തി.
📰👉 പ്രതിദിന സ്ഥിരം യാത്രക്കാരുടെ ദീര്ഘനാളത്തെ ആവശ്യങ്ങള്ക്ക് പരിഹാരവുമായി റെയില്വേ. കേരളത്തിലൂടെ സര്വീസ് നടത്തുന്ന സുപ്രധാന ട്രെയിനുകളില് കോച്ചുകളുടെ എണ്ണം വര്ധിപ്പിച്ചും സ്റ്റോപ്പുകള് പുനഃസ്ഥാപിച്ചും യാത്രക്കാര്ക്ക് കൂടുതല് യാത്രാസൗകര്യങ്ങള് ഒരുക്കുന്നതായി റെയില്വേ മന്ത്രാലയം വാര്ത്താക്കുറിപ്പില് അറിയിച്ചു.
📰👉 കർണാടകയിൽ എബോള ഭീതിയില്ലെന്ന് ആരോഗ്യവകുപ്പ് സ്ഥിരീകരിച്ചു. എബോള വൈറസ് ബാധയെന്ന സംശയത്തിൽ നിരീക്ഷണത്തിലിരുന്ന ആഫ്രിക്കൻ യുവതിയുടെ പരിശോധനാ ഫലം നെഗറ്റീവായതിനെത്തുടർന്നാണ് കർണാടക ആരോഗ്യവകുപ്പ് മന്ത്രി ദിനേശ് ഗുണ്ടുറാവു പ്രസ്താവനയിറക്കിയത്.
📰👉 ഡൽഹിയിൽ തുടരുന്ന മുഖ്യമന്ത്രി വി.ഡി. സതീശൻ കേന്ദ്ര ആഭ്യന്തര മന്ത്രി അമിത് ഷായുമായി കൂടിക്കാഴ്ച നടത്തും. വൈകുന്നേരം അഞ്ചരയോടെയാണ് കൂടിക്കാഴ്ച. പ്രധാനമന്ത്രി നരേന്ദ്രമോദിയുമായി സതീശൻ കഴിഞ്ഞ ദിവസം കൂടിക്കാഴ്ച നടത്തിയിരുന്നു.
📰👉 ഗാസയിലെ ഹമാസ് ഭീകരസംഘടനയുടെ സായുധവിഭാഗം തലവൻ മുഹമ്മദ് ഒദേയെ വധിച്ചതായി ഇസ്രയേൽ അറിയിച്ചു. ചൊവ്വാഴ്ച ഗാസ സിറ്റിയിലെ ഇയാളുടെ അപ്പാർട്ട്മെന്റിൽ വ്യോമാക്രമണം നടത്തുകയായിരുന്നു.
📰👉ശ്രീപത്മനാഭസ്വാമി ക്ഷേത്രത്തിൽ സുരക്ഷാവീഴ്ചയും മോഷണവും നടന്നതായി കണ്ടെത്തൽ. ക്ഷേത്രത്തിൽ നിന്നു നൂറ്റാണ്ടുകൾ പഴക്കമുള്ള അമൂല്യവസ്തുക്കളും സ്വർണവും വജ്രവും അടക്കമുള്ളവ ഇടയ്ക്കിടെ മോഷണം പോകുന്നതായി സംസ്ഥാന പോലീസ് മേധാവി ആഭ്യന്തര സെക്രട്ടറിക്ക് നൽകിയ റിപ്പോർട്ടിലുണ്ട്.
📰👉 2026 ലെ നീറ്റ്-യുജി പരീക്ഷാ പേപ്പർ ചോർച്ച കേസിൽ രണ്ട് പ്രധാന പ്രതികളെ കൂടി അന്വേഷണ ഏജൻസി അറസ്റ്റ് ചെയ്തു. ഇതോടെ കേസിൽ ആകെ അറസ്റ്റിലായവരുടെ എണ്ണം 13 ആയി. അറസ്റ്റിലായ പ്രതികളിൽ ലാത്തൂരിൽ നിന്നുള്ള ഡോക്ടറായ ഡോ. മനോജ് ഷിരുരെയും ഉൾപ്പെടുന്നു.
📰👉 രാജ്യം അനുഭവിക്കുന്ന കടുത്ത പ്രതിസന്ധിയെ കുറിച്ച് ഞെട്ടിക്കുന്ന വെളിപ്പെടുത്തലുമായി ക്യൂബൻ ബിഷപ്പുമാരുടെ പ്രസിഡന്റ് മോൺസിഞ്ഞോർ മാർസെലോ ഗൊൺസാലസ് അമഡോർ. ദിവസങ്ങളായി ഭക്ഷണം കഴിച്ചിട്ടില്ലായെന്ന വെളിപ്പെടുത്തലുമായി നിരവധി പേരാണ് ഇടവകകളിലേക്ക് എത്തുന്നതെന്നു അദ്ദേഹം പറയുന്നു. പൊന്തിഫിക്കല് സന്നദ്ധ സംഘടനയായ എയിഡ് ടു ദി ചർച്ച് ഇൻ നീഡിന് നൽകിയ അഭിമുഖത്തിലാണ് അദ്ദേഹം ഇക്കാര്യം വെളിപ്പെടുത്തിയത്.
