പാലാ: ആവേശോജ്ജ്വലമായ ജനപങ്കാളിത്തത്തോടെ എൽ.ഡി.എഫ് സ്ഥാനാർത്ഥി ജോസ് കെ. മാണിയുടെ തിരഞ്ഞെടുപ്പ് കൺവെൻഷൻ പാലാ മുനിസിപ്പൽ ടൗൺ ഹാളിൽ നടന്നു. സി.പി.ഐ (എം) സംസ്ഥാന സെക്രട്ടറിയേറ്റംഗം എം. സ്വരാജ് കൺവെൻഷൻ ഉദ്ഘാടനം ചെയ്തു. വികസനത്തുടർച്ചയ്ക്കായി ഇടതുപക്ഷ മുന്നണിയെ വിജയിപ്പിക്കേണ്ടതിന്റെ പ്രസക്തി അദ്ദേഹം ഉദ്ഘാടന പ്രസംഗത്തിൽ ഓർമ്മിപ്പിച്ചു.
സി.പി.എം ജില്ലാ സെക്രട്ടറിയേറ്റംഗം ലാലിച്ചൻ ജോർജ് ചടങ്ങിൽ അധ്യക്ഷത വഹിച്ചു. പ്രമുഖ നേതാക്കളായ സി.കെ ശശിധരൻ, തോമസ് ചാഴികാടൻ, ബാബു കെ. ജോർജ്, പ്രൊഫ. ലോപ്പസ് മാത്യു, എം.ടി ജോസഫ്, ഔസേപ്പച്ചൻ തകിടിയേൽ, ബെന്നി മൈലാടൂർ, സജേഷ് ശശി, ഷാജി കടമല, ടോബിൻ കെ. അലക്സ്, പ്രശാന്ത് നന്ദകുമാർ എന്നിവർ സംസാരിച്ചു. പ്രവർത്തകരുടെ ആവേശം ഇരട്ടിയാക്കുന്ന പ്രസംഗങ്ങളാണ് വേദിയിൽ നടന്നത്.
കൺവെൻഷന് ശേഷം എൽ.ഡി.എഫ് മുഖ്യ തിരഞ്ഞെടുപ്പ് കമ്മറ്റി ഓഫീസിന്റെ ഉദ്ഘാടനവും നടന്നു. പാലാ കുരിശുപള്ളി കവലയിൽ സജ്ജീകരിച്ച ഓഫീസിൽ പ്രമുഖ നേതാക്കളുടെ സാന്നിധ്യത്തിൽ പ്രവർത്തനം ആരംഭിച്ചു. മ നൂറുകണക്കിന് പ്രവർത്തകരാണ് കൺവെൻഷനിലും തുടർന്ന് നടന്ന ഓഫീസ് ഉദ്ഘാടനത്തിലും പങ്കെടുത്തത്.
