29-ാം തവണയും ലാ ലിഗ കിരീടം ചൂടിയ സ്പാനിഷ് ക്ലബ്ബ് ബാഴ്സലോണയുടെ ആഘോഷ പരിപാടികള്ക്കിടെ പലസ്തീന് ഐക്യദാര്ഢ്യം പ്രകടിപ്പിച്ച് കൗമാരതാരം ലാമിന് യമാല്. പലസ്തീന് പതാകയേന്തിയാണ് അദ്ദേഹം തുറന്ന വാഹനത്തില് സഹ താരങ്ങള്ക്കൊപ്പം സഞ്ചരിച്ചത്. ഇതിന്റെ വീഡിയോ ദൃശ്യങ്ങള് വൈറാലയതോടെ സാമൂഹിക മാധ്യമങ്ങളില് സ്പാനിഷ് കൗമാരതാരത്തെ
പ്രസംസിച്ച് ഫുട്ബോള് ആരാധകര് രംഗത്തെത്തി. തിങ്കളാഴ്ച ഓണ്ലൈനില് വ്യാപകമായി ഷെയര് ചെയ്യപ്പെട്ട അനേരം വീഡിയോ ക്ലിപ്പുകളില് 18-കാരനായ യമാല് ഒരു തുറന്ന ടോപ്പ് ബസ്സില് നിന്ന് പലസ്തീന് പതാക പിടിച്ചു നില്ക്കുന്നതായി കാണാം. സ്പാനിഷ് നഗരത്തിന്റെ ഹൃദയഭാഗങ്ങള് ചുറ്റിയുള്ള ആഘോഷ പരേഡ് കാണാനും ബാഴ്സലോണയുടെ മിന്നും താരങ്ങളെ അഭിവാദ്യം
ചെയ്യുന്നതിനുമായി പതിനായിരക്കണക്കിന് ആരാധകരാണ് പാതയോരങ്ങളിലും സമീപങ്ങളിലെ കെട്ടിടങ്ങളിലും ഒക്കെയായി അണിനിരന്നിരുന്നത്. ഞായറാഴ്ച നടന്ന എല് ക്ലാസിക്കോയില് റയല് മാഡ്രിഡിനെതിരെ 2-0 വിജയമാണ് ബാഴ്സ സ്വന്തമാക്കിയത്. ഇതോടെ മത്സരങ്ങള് ബാക്കിനില്ക്കെ ലാ ലിഗ പോയിന്റ് പട്ടികയില് ഒന്നാമതെത്തി 29-ാം കിരീടം നേടുകയായിരുന്നു. ഇത് രണ്ടാം തവണയാണ് എല് ക്ലാസിക്കോ പോരിന് ശേഷം ലീഗില് ബാഴ്സ ടൈറ്റില് വിന്നര് ആകുന്നത്.
