പാലാ: തിരഞ്ഞെടുപ്പ് പ്രചാരണം അവസാന ഘട്ടത്തിലേക്ക് കടക്കുമ്പോൾ പാലാ നിയോജക മണ്ഡലം എൽഡിഎഫ് സ്ഥാനാർത്ഥി ജോസ് കെ മാണി വോട്ടുറപ്പിക്കാനുള്ള കഠിന പ്രയത്നത്തിലാണ്. ഓരോ വോട്ടറെയും നേരിൽ കണ്ട് പിന്തുണ അഭ്യർത്ഥിക്കുന്ന അദ്ദേഹം ഇന്ന് പാലായിലെ പ്രമുഖ സൂപ്പർ മാർക്കറ്റ് സന്ദർശിച്ച് ജീവനക്കാരോടും വോട്ട് അഭ്യർത്ഥിച്ചു.
താൻ ജനപ്രതിനിധി എന്ന നിലയിൽ മണ്ഡലത്തിൽ നടപ്പിലാക്കിയ വികസന നേട്ടങ്ങൾ ജീവനക്കാർക്ക് മുൻപിൽ അവതരിപ്പിച്ചാണ് അദ്ദേഹം വോട്ട് ചോദിക്കുന്നത്. “പാലായെ വികസനത്തിൻ്റെ പുതിയ ഉയരങ്ങളിലേക്ക് എത്തിക്കും” എന്ന് അദ്ദേഹം ജീവനക്കാർക്ക് ഉറപ്പ് നൽകി. കഴിഞ്ഞുപോയ വികസന പ്രവർത്തനങ്ങൾ ചിത്രങ്ങളായി ആലേഖനം ചെയ്ത വികസനക്കുട ചൂടിയാണ് സ്ഥാനാർത്ഥിയും പ്രവർത്തകരും വോട്ട് അഭ്യർത്ഥിച്ച് നീങ്ങിയത്.
