കാഞ്ഞിരപ്പള്ളി: കാഞ്ഞിരപ്പള്ളി അമൽ ജ്യോതി കോളേജ് ഓഫ് എഞ്ചിനീയറിംഗിലെ (Amal Jyothi College of Engineering Autonomous) മെക്കാനിക്കൽ എഞ്ചിനീയറിംഗ് വിഭാഗം അസിസ്റ്റന്റ് പ്രൊഫസറായ ഡോ. മെബി മാത്യുവിന് കേന്ദ്ര സർക്കാരിന്റെ പേറ്റന്റ് ഓഫീസ് (The Patent Office, Government of India) ഔദ്യോഗികമായി പേറ്റന്റ് അനുവദിച്ചു.
റോബോട്ടിക്സ്, മെഡിക്കൽ പുനരധിവാസം (Rehabilitation) എന്നീ മേഖലകളിൽ ഏറെ നിർണ്ണായകമായ ഒരു കണ്ടുപിടിത്തത്തിനാണ് ഈ നേട്ടം. “A ROBOTIC EXOSKELETON DEVICE FOR WRIST HAND REHABILITATION AND METHOD OF OPERATING THE SAME” (കൈത്തണ്ടയുടെയും കൈപ്പത്തിയുടെയും ചലനശേഷി വീണ്ടെടുക്കുന്നതിനുള്ള റോബോട്ടിക് എക്സോസ്കെലിറ്റൺ ഉപകരണവും അത് പ്രവർത്തിപ്പിക്കുന്നതിനുള്ള രീതിയും) എന്ന അദ്ദേഹത്തിന്റെ നൂതന ഗവേഷണത്തിനാണ് പേറ്റന്റ് ലഭിച്ചിരിക്കുന്നത്.
പക്ഷാഘാതം (Stroke), അപകടങ്ങൾ അല്ലെങ്കിൽ മറ്റ് ആരോഗ്യപ്രശ്നങ്ങൾ എന്നിവ കാരണം കൈകളുടെയും വിരലുകളുടെയും ചലനശേഷി നഷ്ടപ്പെട്ട രോഗികൾക്ക് ഫിസിയോതെറാപ്പിയും മികച്ച പുനരധിവാസ ചികിത്സയും കൂടുതൽ ഫലപ്രദമായി നൽകാൻ സഹായിക്കുന്നതാണ് ഡോ. മേബി മാത്യു രൂപകൽപ്പന ചെയ്ത ഈ പുതിയ റോബോട്ടിക് ഉപകരണം.
