കുവൈറ്റ് അന്താരാഷ്ട്ര വിമാനത്താവളത്തില് നിന്ന് 57 ദിവസത്തെ ഇടവേളയ്ക്ക് ശേഷം, ജസീറ എയര്വേയ്സ് നേരിട്ടുള്ള അന്താരാഷ്ട്ര സര്വീസുകള് വീണ്ടും ആരംഭിച്ചു. ടെര്മിനല് 5 (T5)ല് നിന്നുള്ള സര്വീസുകളുടെ പുനരാരംഭം രാജ്യത്തിന്റെ വ്യോമഗതാഗത മേഖലയിലെ
പുനരുജ്ജീവനത്തിന് നിര്ണായകമായി മാറുന്നു. ആദ്യ ഘട്ടത്തില് ബെയ്റൂട്ട്, കെയ്റോ, ഇസ്താംബൂള്, മുംബൈ എന്നിവിടങ്ങളിലേക്ക് ആകെ ആറു സര്വീസുകളാണ് നടത്തിയത്. രാവിലെ 8 മുതല് വൈകിട്ട് 4 വരെ നടന്ന സര്വീസുകളില് 2000-ത്തിലധികം പേര് സുരക്ഷിതമായി യാത്ര ചെയ്തു . കുവൈറ്റ് ഡി.ജി.സി.എയുടെ നിര്ദ്ദേശങ്ങള് കര്ശനമായി പാലിച്ചാണ് സര്വീസുകള് നടത്തിയത്.
