പാലാ: ഓണക്കാലത്ത് ഗുണമേന്മയുള്ള പച്ചക്കറികളും പഴവർഗ്ഗങ്ങളും ജനങ്ങളിലേക്ക് എത്തിക്കാൻ അഗ്രിമ കർഷക ഓപ്പൺ മാർക്കറ്റ് ഒരുങ്ങുന്നു. തിങ്കളാഴ്ച രാവിലെ 10.30-ന് അഗ്രിമ കർഷക ഓപ്പൺ മാർക്കറ്റിൽ നടക്കുന്ന ചടങ്ങിൽ പാലാ രൂപത വികാരി ജനറാൾ മോൺ. സെബാസ്റ്റ്യൻ വേത്താനത്ത് ഓണവിപണിയുടെ ഉദ്ഘാടനം നിർവ്വഹിക്കും. പാലാ സോഷ്യൽ വെൽഫെയർ സൊസൈറ്റി ഡയറക്ടർ ഫാ. ജോസഫ് വാട്ടപ്പിള്ളിൽ ചടങ്ങിൽ അധ്യക്ഷത വഹിക്കും.
ഓണവിപണിയുടെ പ്രധാന ആകർഷണങ്ങൾ:
- പച്ചക്കറികളും പഴവർഗ്ഗങ്ങളും: വിഷരഹിതവും ഫ്രഷുമായ വിവിധയിനം പച്ചക്കറികളും പഴവർഗ്ഗങ്ങളും ലഭ്യമാക്കും.
- തനത് വിഭവങ്ങൾ: ഏത്തയ്ക്കാ ചിപ്സ്, ശർക്കരവരട്ടി, ഒപ്പം പ്രത്യേക പാലാ നോവ ഓണപ്പായസവും.
- റെഡി-ടു-കുക്ക് വിഭവങ്ങൾ: ഉപഭോക്താക്കൾക്ക് സമയലാഭം നൽകുന്ന സാമ്പാർ, അവിയൽ എന്നിവയ്ക്കുള്ള പച്ചക്കറി കട്ടിങ്ങുകൾ.
പാലാ സോഷ്യൽ വെൽഫെയർ സൊസൈറ്റി അസിസ്റ്റന്റ് ഡയറക്ടർമാരായ ഫാ. ജോസഫ് താഴത്തുവരിക്കയിൽ, ഫാ. ഫ്രാൻസീസ് ഇടത്തിനാൽ, ഫാ. മാത്യു പുളിയ്ക്കപ്പറമ്പിൽ, അഗ്രിമ മാനേജർ ടോണി കണിയാമ്പറമ്പിൽ, ജോയി വട്ടക്കുന്നേൽ, ആലീസ് ജോർജ്, ജയ്സി മാത്യു തുടങ്ങിയവർ ചടങ്ങിന് നേതൃത്വം നൽകും.
