യൂത്ത് കോൺഗ്രസ് ഭാരവാഹി തിരഞ്ഞെടുപ്പുമായി ബന്ധപ്പെട്ട് കോൺഗ്രസിലെ ‘എ’ ഗ്രൂപ്പ് കടുത്ത നിലപാടെടുക്കുന്നു. പുതിയ സംസ്ഥാന കമ്മിറ്റിയുമായി സഹകരിക്കേണ്ടതില്ലെന്നാണ് ഗ്രൂപ്പിന്റെ തീരുമാനം.
ഇതിന്റെ ഭാഗമായി യൂത്ത് കോൺഗ്രസ് പരിപാടികളിൽ നിന്ന് ‘എ’ ഗ്രൂപ്പിലെ നേതാക്കൾ വിട്ടുനിന്നേക്കുമെന്നും സൂചനയുണ്ട്. കെ.എം. അഭിജിത്തിന് സ്ഥാനം ലഭിക്കാത്തതിൽ ‘എ’ ഗ്രൂപ്പിന് കടുത്ത അതൃപ്തിയുണ്ട്.
ഒ.ജെ. ജനീഷിനെ അധ്യക്ഷനാക്കിയതിലെ ചോദ്യങ്ങൾ: അധ്യക്ഷനായി തിരഞ്ഞെടുക്കപ്പെട്ട ഒ.ജെ. ജനീഷിനോട് വ്യക്തിപരമായി എതിർപ്പില്ലെങ്കിലും, ജാതി സമവാക്യങ്ങളുടെ പേരിലാണ് നിയമനമെങ്കിൽ എന്തിനാണ് യൂത്ത് കോൺഗ്രസ് അധ്യക്ഷ സ്ഥാനത്തേക്ക് തിരഞ്ഞെടുപ്പ് നടത്തിയത് എന്ന ചോദ്യം ഗ്രൂപ്പുകൾ ഉന്നയിക്കുന്നുണ്ട്.
