2025 ആഗസ്റ്റ് 26 ചൊവ്വ 1199 ചിങ്ങം 10
വാർത്തകൾ
🗞️👉 രാഹുലിനെതിരെ നടപടി ആവശ്യപ്പെതിന് ഉമാ തോമസിനെതിരെ സൈബര് ആക്രമണം
രാഹുല് മാങ്കൂട്ടത്തിലിനെതിരെ നടപടി ആവശ്യപ്പെട്ട ഉമാ തോമസ് എംഎല്എയ്ക്ക് നേരെയുള്ള സൈബറാക്രമണത്തില് കോണ്ഗ്രസ് നേതൃത്വത്തിന് അതൃപ്തി. കോണ്ഗ്രസ് അനുകൂല സൈബര് ഹാന്ഡിലുകളില് നിന്നായിരുന്നു അധിക്ഷേപം. പാര്ട്ടി തനിക്കൊപ്പമുണ്ടാകുമെന്നാണ് വിശ്വാസമെന്ന് ഉമാ തോമസ് പ്രതികരിച്ചു. രാഹുല് മാങ്കൂട്ടത്തില് എംഎല്എ സ്ഥാനം രാജിവെക്കണമെന്ന് ആവശ്യപ്പെട്ടതിന് പിന്നാലെയാണ് ഉമാ തോമസിനെതിരെ സൈബര് അധിക്ഷേപം തുടങ്ങിയത്. കോണ്ഗ്രസ് യൂത്ത് കോണ്ഗ്രസ് ഹാന്റിലുകളില് നിന്നായിരുന്നു വ്യക്തിഹത്യ.
🗞️👉 രാഹുൽ മാങ്കൂട്ടത്തിനെതിരെ പോസ്റ്റർ ഒട്ടിക്കാൻ ശ്രമിച്ച് എസ്എഫ്ഐ ; പ്രതിപക്ഷ നേതാവിന്റെ വസതിക്ക് മുന്നിൽ സംഘർഷം
രാഹുൽ മാങ്കൂട്ടത്തിൽ വിഷയത്തിൽ കാന്റോൺമെന്റ് ഹൗസിന് മുന്നിൽ എസ്എഫ്ഐ പ്രതിഷേധം.പ്രതിപക്ഷ നേതാവിന്റെ വീടിന് മുന്നിൽ നടത്തിയ പ്രതിഷേധം സംഘർഷത്തിലേക്കെത്തി.എസ്എഫ്ഐ ജില്ലാ കമ്മിറ്റിയാണ് പ്രതിഷേധം സംഘടിപ്പിച്ചത്. വീടിന് മുന്നിൽ പോസ്റ്റർ ഒട്ടിക്കാനുള്ള ശ്രമം സുരക്ഷാ ഉദ്യോഗസ്ഥർ തടഞ്ഞതോടെയാണ് സ്ഥലത്ത് സംഘർഷമുണ്ടായത്. ഇതോടെ കൂടുതൽ പ്രവർത്തകർ സ്ഥലത്തേക്ക് എത്തി. നിലവിൽ കൂടുതൽ പ്രവർത്തകർ പ്രതിപക്ഷ നേതാവിന്റെ വീടിന് മുന്നിൽ സംഘടിച്ചിരിക്കുകയാണ്. വീടിന് മുന്നിൽ ഫ്ലക്സുമായി പ്രതിഷേധം നടന്നുവരികയാണ്.
🗞️👉 വന്യജീവി ആക്രമണങ്ങള്ക്ക് ശാശ്വത പരിഹാരം വേണം. പി സി തോമസ് എക്സ് എം പി
മുണ്ടക്കയം: വന്യജീവികളുടെ ആക്രമണത്തില് നിന്നും മലയോരമേഖലയിലെ കര്ഷകരെ രക്ഷിക്കുന്നതിന് ശ്വാശ്വത പരിഹാരം വേണമെന്ന് കേരളാ കോണ്ഗ്രസ് വര്ക്കിംഗ് ചെയര്മാനും മുന് കേന്ദ്രമന്ത്രിയുമായ പി സി തോമസ് എക്സ് എം പി. ആവശ്യപ്പെട്ടു. മുണ്ടക്കയം മണ്ഡലം കമ്മറ്റി സംഘടിപ്പിച്ച കണ്ണിമല മേഖലാ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
റബര് ഉള്പ്പെടെയുള്ള കാര്ഷിക മേഖല തകര്ന്നു കൊണ്ടിരിക്കുകയാണ് കര്ഷകരെ ദ്രോഹിക്കുവാന് കേന്ദ്ര കേരള സര്ക്കാരുകള് മത്സരിക്കുകയാണെന്നും കര്ഷകരെ സഹായിക്കുന്ന കേരളാ കോണ്ഗ്രസ് നയം നടപ്പിലാക്കണമെന്നും അദ്ദേഹം ആവശ്യപ്പെട്ടു.
🗞️👉 ഗസയിൽ ആശുപത്രിക്ക് നേരെ ഇസ്രയേൽ ആക്രമണം
ഗസയിലെ നാസർ ആശുപത്രിക്ക് നേരെ ഇസ്രയേൽ ആക്രമണം. ആക്രമണത്തിൽ
നാല് മാധ്യമപ്രവർത്തകർ അടക്കം 15 പേർ കൊല്ലപ്പെട്ടു. അൽജസീറ , അസോസിയേറ്റഡ് പ്രസ്, റോയിട്ടേഴ്സ് എന്നിവയിലെ മാധ്യമപ്രവർത്തകരാണ് കൊല്ലപ്പെട്ടത്. വിഷയത്തിൽ ഇസ്രയേൽ ഇതുവരെ പ്രതികരിച്ചിട്ടില്ല. ഇസ്രയേൽ -ഹമാസ് യുദ്ധം തുടങ്ങിയത് മുതൽ 244 മാധ്യമപ്രവർത്തകരാണ് ഗസയിൽ കൊല്ലപ്പെട്ടത്. രണ്ടാഴ്ച്ച മുമ്പ് സമാനമായ രീതിയിൽ അൽ ഷിഫ ആശുപത്രിക്ക് നേരെയുണ്ടായ ആക്രമണത്തിൽ ആറ് മാധ്യമപ്രവർത്തകർ കൊല്ലപ്പെട്ട സംഭവത്തിൽ പ്രതിഷേധം തുടരുന്നതിനിടായാണ് പുതിയ ആക്രമണമുണ്ടായിരിക്കുന്നത്. പ്രശസ്ത യുദ്ധ റിപ്പോർട്ടറായ അൽ ജസീറയുടെ അനസ് അൽ ഷരീഫ് ഉൾപ്പെടെയുള്ളവരാണ് അന്നത്തെ ആക്രമണത്തിൽ കൊല്ലപ്പെട്ടത്.
🗞️👉 സര്ക്കാര് ജീവനക്കാര്ക്ക് കോളടിച്ചു; 4,500 രൂപ ഓണം ബോണസ്
ഓണം പ്രമാണിച്ച് സര്ക്കാര് ജീവനക്കാര്ക്കും അധ്യാപകര്ക്കുമുള്ള ബോണസ് 500 രൂപ വര്ധിപ്പിച്ചു. ഇത്തവണ 4500 രൂപയാണ് ബോണസായി സർക്കാർ ജീവനക്കാർക്ക് ലഭിക്കുക. ബോണസിന് അര്ഹത ഇല്ലാത്തവര്ക്കുള്ള പ്രത്യേക ഉത്സവബത്ത 2750 രൂപയില് നിന്നും 3000 രൂപയായി ഉയര്ത്തി നല്കുമെന്നും ധനകാര്യ മന്ത്രി കെഎന് ബാലഗോപാല് അറിയിച്ചു. സര്വീസ് പെന്ഷന്കാരുടെ പ്രത്യേക ഉത്സവബത്ത 250 രൂപയും വര്ധിപ്പിച്ചു. ഇതോടെ പ്രത്യേക ഉത്സവബത്ത 1250 രൂപയായി.
