പൂർവവിദ്യാർഥികളുടെ ഒത്തുചേരലിനിടെ ഹൗസ് ബോട്ടിൽ നിന്നു പമ്പയാറ്റിൽ വീണു ഒരാൾ മരിച്ചു. ആലപ്പുഴ കിടങ്ങാംപറമ്പ് ഗീതാഭവനിൽ വാടകയ്ക്കു താമസിക്കുന്ന സി.സന്തോഷ്കുമാർ (49) ആണു മരിച്ചത്. തോണ്ടൻകുളങ്ങരയിൽ ടാക്സി കാർ ഡ്രൈവറായിരുന്നു. കൈനകരി ചാവറ ജെട്ടിക്കു സമീപമായിരുന്നു അപകടം. ആലപ്പുഴ എസ്ഡിവി സ്കൂൾ 1990-91 എസ്എസ്എൽസി ബാച്ചിലെ 16 പേർ ചേർന്നാണ് പുന്നമടയിൽ ഹൗസ്ബോട്ടിൽ യാത്ര ആരംഭിച്ചത്.
