📰👉 കേന്ദ്ര സർക്കാരിന്റെയും എൽഐസിയുടെയും നിയന്ത്രണത്തിലുള്ള ഐഡിബിഐ ബാങ്കിന്റെ 60.72 ശതമാനം ഓഹരികൾ 52,878 കോടി രൂപയ്ക്ക് ഫെയർഫാക്സ് ഫിനാൻഷ്യൽ ഹോൾഡിങ്സിന് വിൽക്കുന്നതിന് കേന്ദ്ര മന്ത്രിസഭ അംഗീകാരം നൽകി. കനേഡിയൻ ധനകാര്യ സ്ഥാപനമാണ് ഫെയർ ഫാക്സ്.
📰👉 നെടുമ്പാശേരിയിൽ മദ്യപിച്ചു വാഹനമോടിച്ചു മൂന്നു പേരുടെ ജീവനെടുത്ത കേസിൽ പ്രതികൾക്കു പരമാവധി ശിക്ഷ വാങ്ങിക്കൊടുക്കുമെന്നും കേസുമായി ബന്ധപ്പെട്ട് അഭ്യൂഹങ്ങൾ പ്രചരിപ്പിക്കുന്നത് അവസാനിപ്പിക്കണമെന്നും ആഭ്യന്തരമന്ത്രി രമേശ് ചെന്നിത്തല നിയമസഭയിൽ പറഞ്ഞു. മദ്യപിച്ചു വാഹനമോടിക്കുന്നത് അവസാനിപ്പിക്കാനുള്ള ശക്തമായ നടപടികളുണ്ടാകും.
📰👉 വന്യജീവി ആക്രമണത്തിൽ മരിക്കുന്നവരുടെ കുടുംബത്തിനു നൽകിവരുന്ന നഷ്ടപരിഹാരത്തുക 25 ശതമാനം ഉയർത്താൻ സർക്കാർ തീരുമാനിച്ചതായി വനം മന്ത്രി ഷിബു ബേബി ജോണ് നിയമസഭയിൽ അറിയിച്ചു.
📰👉 എസ്‌.ഐ.ആർ. നടപടികളിലെ ക്രമക്കേടുകൾ ചോദ്യംചെയ്ത് കോൺഗ്രസ് നേതാവ് രാഹുൽ ഗാന്ധിയുടെ നേതൃത്വത്തിൽ ഇന്ത്യസഖ്യനേതാക്കൾ നൽകിയ ഹർജി സുപ്രീം കോടതി വ്യാഴാഴ്ച പരിഗണിക്കും ഡൽഹിയിലെ പ്രതിഷേധവുമായി ബന്ധപ്പെട്ട വിവിധ ഹർജികളും ഇതോടൊപ്പം കേൾക്കും.
📰👉 സിഎംആർഎൽ-എക്‌സാലോജിക് ഇടപാട് കേസിൽ സുപ്രധാന നടപടിയുമായി എൻഫോഴ്‌സ്‌മെന്റ് ഡയറക്ടറേറ്റ്. മുൻ മുഖ്യമന്ത്രി പിണറായി വിജയൻ, മുഹമ്മദ് റിയാസ് എന്നിവർക്കെതിരേഇ.ഡി. കേസെടുത്തു. വിജിലൻസ് എഫ്‌ഐആറിന്റെ ചുവട് പിടിച്ച് രണ്ട് ഇസിഐആർ രജിസ്റ്റർ ചെയ്തു. കള്ളപ്പണം വെളുപ്പിക്കൽ നിരോധന നിയമപ്രകാരമാണ് കേസ്.
📰👉 യുക്രെയ്ൻ തലസ്ഥാനമായ കീവിൽ റഷ്യ നടത്തിയ ഡ്രോൺ-മിസൈൽ ആക്രമണത്തിൽ മൂന്നു പേർ കൊല്ലപ്പെട്ടു. വൈദ്യുതവിതരണ സംവിധാനങ്ങളെ ലക്ഷ്യമിട്ടായിരുന്നു ആക്രമണം. 30 കേന്ദ്രങ്ങളിൽ ആക്രമണമുണ്ടായി. ആറു ലക്ഷം പേർക്കു വൈദ്യുതി ഇല്ലാതായെന്ന് യുക്രെയ്ൻ പ്രസിഡന്റ് സെലൻസ്കി അറിയിച്ചു.
📰👉 അടുത്ത അഞ്ചു വർഷംകൊണ്ട് സംസ്ഥാനത്ത് 10,000 മെഗാവാട്ട് വൈദ്യുതി എത്തിക്കുന്നത് അടക്കമുള്ള സമഗ്ര വൈദ്യുതിനയം വൈകാതെ പ്രഖ്യാപിക്കുമെന്നു മുഖ്യമന്ത്രി വി.ഡി. സതീശൻ നിയമസഭയിൽ പറഞ്ഞു.
📰👉 വാഹനങ്ങൾ പിടിച്ചെടുക്കുകയും തടഞ്ഞുവയ്ക്കുകയും യാർഡുകളിൽ സൂക്ഷിക്കുകയും ചെയ്യുന്ന സാഹചര്യങ്ങളിൽ നീക്കം ചെയ്യൽ ഫീസും സംഭരണ ഫീസും ഈടാക്കാൻ വ്യവസ്ഥ ചെയ്യുന്ന 2026ലെ കേരള മോട്ടോർ വാഹന നികുതിചുമത്തൽ (ഭേദഗതി) ബിൽ ഗതാഗതമന്ത്രി സി.പി. ജോൺ നിയമസഭയിൽ അവതരിപ്പിച്ചു.
📰👉 കിഫ്ബി നിലവിലെ രീതിയിൽ മുന്നോട്ടു പോയാൽ സംസ്ഥാനത്തിന് വലിയ ബാധ്യതയാകുമെന്നും കടുത്ത നടപടി വേണ്ടിവരുമെന്നും വിദഗ്ധ സമിതി റിപ്പോർട്ട്.
മുൻ ഐഎഎസ് ഉദ്യോഗസ്ഥ സുധാപിള്ളയുടെ നേതൃത്വത്തിൽ അഞ്ചംഗ വിദഗ്ധ സമിതി സമർപ്പിച്ച റിപ്പോർട്ടിലാണിതുള്ളത്
📰👉 ഓൺലൈനിലൂടെ നൽകുന്ന ടിക്കറ്റുകൾക്ക് മാത്രമല്ല റിസർവേഷൻ കൗണ്ടറുകളിലൂടെ നൽകുന്ന ടിക്കറ്റുകൾക്കും ഇൻഷുറൻസ് പരിരക്ഷ നൽകണമെന്ന് ഇന്ത്യൻ റെയിൽവേക്ക് കർശന നിർദേശം നൽകി സുപ്രീംകോടതി. ഒക്ടോബർ 27 മുതൽ ഉത്തരവ് പ്രാബല്യത്തിൽ വരുത്തണം.
