പാലാ: ഗുണമേന്മയുള്ള എല്ലാവിധ പച്ചക്കറികളും പഴവർഗ്ഗങ്ങളും ഓണക്കാലത്ത് ഉറപ്പു വരുത്താൻ പാലാ സോഷ്യൽ വെൽഫെയർ സൊസൈറ്റിയുടെ ഓണ വിപണി പാലാ അഗ്രിമ ഓപ്പൺ മാർക്കറ്റിൽ ആരംഭിച്ചു. പച്ചക്കറികൾ, പഴവർഗ്ഗങ്ങൾ, ഏത്തയ്ക്കാ ചിപ്സ്, ശർക്കര വരട്ടി തുടങ്ങി പാല നോവ ഓണപ്പായസം വരെ ഓണ വിപണിയിൽ ലഭ്യമാണ്. സാമ്പാർ , അവിയൽ തുടങ്ങി കറികട്ടിങ്ങുകളും
ഇത്തവണത്തെ പ്രത്യേകതയാണ്. ഓണ വിപണിയുടെ ഉദ്ഘാടനം വികാരി ജനറാൾ മോൺ. സെബാസ്റ്റ്യൻ വേത്താനത്ത് അഗ്രിമ കർഷക ഓപ്പൺ മാർക്കറ്റിൽ നിർവ്വഹിച്ചു. പാലാ സോഷ്യൽ വെൽഫെയർ സൊസൈറ്റി ഡയറക്ടർ ഫാ.ജോസഫ് വാട്ടപ്പിള്ളിൽ അദ്ധ്യക്ഷത വഹിച്ചു.അസിസ്റ്റന്റ് ഡയറക്ടർമാരായ ഫാ. ഫ്രാൻസീസ് ഇടത്തിനാൽ , ഫാ.മാത്യു പുളിയ്ക്കപ്പറമ്പിൽ , പി.ആർ.ഒ ഡാന്റീസ് കൂനാനിക്കൽ , അഗ്രിമാ മാർക്കറ്റ് മാനേജർ ടോണി കണിപറമ്പിൽ, സൗമ്യാ ജെയിംസ്
എന്നിവർ പ്രസംഗിച്ചു. സിബി കണിയാംപടി, പി.വി. ജോർജ് പുരയിടം , ജോയി വട്ടക്കുന്നേൽ, ജോബി കിഴക്കേക്കര, റോണിമോൻ റോയി,ഷിൽജോ ഈറ്റയ്ക്കക്കുന്നേൽ,അനസ് ആന്റോ ,ആലീസ് ജോർജ് , ജയ്സി മാത്യു , റോസ് മേരി , സിൻസി സിബി, റോസ്മി ഷിബു , ആൽഫി ബിനു തുടങ്ങിയവർ നേതൃത്വം കൊടുത്തു .
