ഇറാന്റെ റഡാര് സൈറ്റുകള്ക്ക് നേരെ അമേരിക്കന് ആക്രമണം. ഹോര്മുസ് കടലിടുക്കില് വാണിജ്യകപ്പലുകള് ലക്ഷ്യമിട്ട് ഇറാന് ഡ്രോണുകള് അയച്ചതിനെ തുടര്ന്നായിരുന്നു ആക്രമണമെന്ന് അമേരിക്കന് സൈന്യം വ്യക്തമാക്കി. ഇറാന്റെ ഡ്രോണുകള് വെടിവച്ചിട്ടതായി അമേരിക്കന് സൈന്യം പറഞ്ഞു.
ഇറാന് -അമേരിക്ക സമാധാന ചര്ച്ച പ്രതിസന്ധിയിലാണെന്നും യുദ്ധം മറ്റിടങ്ങളിലേക്ക് വ്യാപിപ്പിക്കാന് മടിക്കില്ലെന്നും ഇറാന് പരമോന്നത നേതാവ് മുജ്തബ ഖമനയിയുടെ ഉപദേഷ്ടാവ് മൊഹ്സിന് റെസായ് പറഞ്ഞു. അമേരിക്ക മരവിപ്പിച്ച 2400 കോടി രൂപയുടെ ആസ്തികള്
വിട്ടുനല്കാന് തയാറായാല് മാത്രമേ സമാധാന കരാര് സാധ്യമാകുകയുള്ളുവെന്നാണ് ഇറാന്റെ വാദം. ഇറാന് പരമോന്നത നേതാവ് മുജ്തബ ഖമനയിയുമായി കൂടിക്കാഴ്ച നടത്തണമെന്ന ട്രംപിന്റെ നിര്ദ്ദേശവും ഇറാന് തള്ളി.
