വണ്ടാനം മെഡിക്കല് കോളജിലെ ചികിത്സാ പിഴവില് റിപ്പോര്ട്ട് തേടി ആരോഗ്യമന്ത്രി വീണാ ജോര്ജ്. രേഖകള് പരിശോധിച്ച് ഉച്ചയ്ക്ക് മുന്പ് റിപ്പോര്ട്ട് നല്കാന് വണ്ടാനം മെഡിക്കല് കോളജ് സൂപ്രണ്ടിന് ആരോഗ്യമന്ത്രി നിര്ദേശം നല്കി.
ഉഷ ജോസഫിന്റെ ശസ്ത്രക്രിയ ഇന്ന് നടക്കും. കത്രികയുടെ സ്ഥാനം കണ്ടെത്തിയ ശേഷം സമയം നിശ്ചയിക്കും. പരാതി നല്കുമെന്നും ഇനി സര്ക്കാര് ആശുപത്രിയില് പോകാന് ഭയമെന്നും ഉഷയുടെ മകന് ഷിബിന് പറഞ്ഞു.
അമ്മ നേരിട്ടത് ഗുരുതരമായ വേദനയെന്ന് മകന് ഷിബിന് പറഞ്ഞു. ശാസ്ത്രക്രിയ ഇന്ന് തന്നെ ഉണ്ടാകുമെന്നാണ് കരുതുന്നതെന്നും കത്രികയുടെ പൊസിഷന് കണ്ടെത്തിയ ശേഷം ശാസ്ത്രക്രിയ നടത്തുമെന്നും അദ്ദേഹം പറഞ്ഞു.
