പാലാ: പാലാ രൂപത വിശ്വാസപരിശീലന കേന്ദ്രത്തിന്റെ (Viswasa Pariseelana Kendram) വാർഷിക സമ്മേളനവും അനുമോദന യോഗവും. ഇന്ന് ഉച്ചകഴിഞ്ഞ് 2:00-ന് ആരംഭിച്ച സമ്മേളനത്തിൽ പാലാ രൂപത മെത്രാൻ അഭിവന്ദ്യ മാർ ജോസഫ് കല്ലറങ്ങാട്ട് അധ്യക്ഷത വഹിക്കുകയും പുരസ്കാര സമർപ്പണവും സമ്മാനദാനവും നിർവഹിക്കുകയും ചെയ്തു.
ചേർപ്പുങ്കൽ സൺഡേ സ്കൂൾ വിദ്യാർത്ഥികൾ അവതരിപ്പിച്ച പ്രാർത്ഥനാഗാനത്തോടെയാണ് ചടങ്ങുകൾ ആരംഭിച്ചത്. വിശ്വാസപരിശീലന കേന്ദ്രം ഡയറക്ടർ റവ. ഫാ. ജോർജ് വർഗീസ് ഞാറക്കുന്നേൽ സ്വാഗതം ആശംസിച്ചു. തുടർന്ന് കേന്ദ്രം സെക്രട്ടറി ഡോ. ജോസ് ജെയിംസ് വിശ്വാസപരിശീലന റിപ്പോർട്ട് അവതരിപ്പിച്ചു.
വിവിധ മേഖലകളിൽ മികവ് തെളിയിച്ചവർക്കുള്ള പുരസ്കാരങ്ങളും സമ്മാനങ്ങളും ബിഷപ്പ് ചടങ്ങിൽ വിതരണം ചെയ്തു. സമാപനത്തോടനുബന്ധിച്ച് ശ്രീ. ജോയി ജേക്കബ് ആറ്റുചാലിൽ കൃതജ്ഞത രേഖപ്പെടുത്തി. സഭാഗാനത്തോടെ സമ്മേളനം സമാപിച്ചു.
