പാലാ: സീറോ മലബാർ സഭയുടെ ഔദ്യോഗിക യുവജന പ്രസ്ഥാനമായ എസ്.എം.വൈ.എം (SMYM)-ന്റെ ആഗോളതലത്തിലുള്ള നിയമാവലി പരിഷ്കരണ കമ്മിറ്റിയുടെ (Global Constitution Amendment Committee) കൺവീനറായി റവ. ഫാ. മാണി കൊഴുപ്പൻകുറ്റിയെ തിരഞ്ഞെടുത്തു. നിലവിൽ പാലാ രൂപത എസ്.എം.വൈ.എം – കെ.സി.വൈ.എം ഡയറക്ടറായി സേവനമനുഷ്ഠിച്ചു വരികയാണ് അദ്ദേഹം.
പാലാ രൂപതയിലെ യുവജന പ്രവർത്തനങ്ങൾക്ക് നേതൃത്വം നൽകുന്ന ഫാ. മാണി കൊഴുപ്പൻകുറ്റിയുടെ പ്രവർത്തനമികവിനുള്ള അംഗീകാരം കൂടിയാണ് ഈ പുതിയ ചുമതല.
പുതിയ സ്ഥാനത്തേക്ക് തിരഞ്ഞെടുക്കപ്പെട്ട ഫാ. മാണി കൊഴുപ്പൻകുറ്റിക്ക് പാലാ രൂപതയും എസ്.എം.വൈ.എം – കെ.സി.വൈ.എം യൂണിറ്റുകളും അഭിനന്ദനങ്ങൾ അറിയിച്ചു.
