മേലുകാവ്: വിശുദ്ധ അൽഫോൻസാമ്മയുടെ 116-ാമത് ജന്മദിനാഘോഷങ്ങളുടെ ഭാഗമായി വാകക്കാട് സെന്റ് അൽഫോൻസാ ഹൈസ്കൂളിലെ വിദ്യാർത്ഥികൾ പ്രാർത്ഥനാപൂർവ്വം പൂക്കളർപ്പിച്ചു. വി. അൽഫോൻസാമ്മ മുൻപ് താമസിച്ചിരുന്ന വാകക്കാട് മഠത്തിലെ മുറിയിലെത്തിയാണ് കുട്ടികൾ പൂച്ചെണ്ടുകൾ സമർപ്പിച്ച് പ്രാർത്ഥിച്ചത്.
1932-33 കാലഘട്ടത്തിൽ അൽഫോൻസാമ്മ വാകക്കാട് പള്ളിക്കൂടത്തിൽ അധ്യാപികയായി സേവനമനുഷ്ഠിച്ചിരുന്നു. 1910 ഓഗസ്റ്റ് 19-നാണ് ചങ്ങനാശ്ശേരി അതിരൂപതയിലെ കുടമാളൂർ ഇടവകയിൽപ്പെട്ട ആർപ്പൂക്കര ഗ്രാമത്തിലെ മുട്ടത്തുപാടത്ത് ജോസഫിന്റെയും മേരിയുടെയും നാലാമത്തെ മകളായി അന്നക്കുട്ടി എന്ന വി. അൽഫോൻസാമ്മ ജനിച്ചത്.
