പുതിയ റെക്കോർഡിട്ട് കിങ് കോഹ്ലി

ഐപിഎല്ലിൽ 7000 റൺസ് തികയ്ക്കുന്ന ആദ്യ ബാറ്ററായി റോയൽ ചലഞ്ചേഴ്സ് ബാംഗ്ലൂർ താരം വിരാട് കോഹ്ലി. ഡൽഹി ക്യാപിറ്റൽസിനെതിരായ മത്സരത്തിൽ 12 റൺസെടുത്തപ്പോഴാണ് കോഹ്ലി ഈ നാഴികക്കല്ല് മറികടന്നത്. ഈ സീസണിൽ 9 മത്സരങ്ങളിൽ നിന്ന് 376 റൺസ് നേടിയ കോഹ്ലി മികച്ച ഫോമിലാണുള്ളത്. ഇന്ത്യൻ പ്രീമിയർ ലീഗിലെ ഏറ്റവും വലിയ റൺ വേട്ടക്കാരനായ കോഹ്ലി 2016ൽ നേടിയ 973 റൺസ് ഇപ്പോഴും തകർക്കപ്പെടാത്ത ലീഗ്-റെക്കോർഡാണ്.