അൽഫോൻസാമ്മയുടെ തിരുനാൾ: ഭരണങ്ങാനം ഒരുങ്ങി
വി. അൽഫോൻസാമ്മയുടെ 18-ാ മത് തിരുനാളിന് ഭരണങ്ങാനം ഷ്റൈനിലും, ഫൊറോന പള്ളിയിലും ക്രമീകരണങ്ങൾ പൂർത്തിയായി എന്ന് ഷ്റൈൻ റെക്ടർ റവ. ഡോ.അഗസ്റ്റിൻ പാലക്കാപറമ്പിലും, ഫൊറോനാ വികാരി വെരി. റവ. ഫാ. സക്കറിയാസ് ആട്ടപ്പാട്ടും, അഡ്മിനിസ്ട്രേറ്റർ ഫാ. മാത്യു കുറ്റിയാനിക്കലും അറിയിച്ചു. 2026 ജൂലൈ 19 ഞായർ മുതൽ ജൂലൈ 28 ചൊവ്വ വരെ 10 ദിവസം നീണ്ടുനിൽക്കുന്ന ലളിതവും ഭക്തിസാന്ദ്രവുമായ തിരുനാളിൽ സീറോ മലബാർ സഭ മേജർ ആർച്ച് ബിഷപ്പ് മാർ റാഫേൽ തട്ടിൽ, മേജർ ആർച്ച് ബിഷപ്പ് എമിരിറ്റസ് കർദിനാൾ മാർ ജോർജ് ആലഞ്ചേരി, ആർച്ച് ബിഷപ്പുമാരായ മാർ തോമസ് തറയിൽ, റയ്പൂർ മുൻ ആർച്ച് ബിഷപ്പ് മാർ അഗസ്റ്റിൻ ചരണകുന്നേൽ ഉൾപ്പെടെ 14 പിതാക്കന്മാർ വിശുദ്ധ ബലിയർപ്പിച്ച് സന്ദേശം നൽകും.
ഭക്തിസാന്ദ്രം; പ്രൗഢഗംഭീരം
ഈ വർഷത്തെ തിരുനാൾ ഭക്തിസാന്ദ്രവും പ്രൗഢഗംഭീരവും ആയിരിക്കും. തിരുനാൾ ദിവസങ്ങളിൽ 300-ൽ അധികം വൈദികർ ഭരണങ്ങാനം ഷ്റൈനിൽ വിശുദ്ധ കുർബാന അർപ്പിക്കുന്നതാണ്.താമരശ്ശേരി രൂപതയുടെ അധ്യക്ഷൻ മാർ റെമിജിയോസ് ഇഞ്ചനാനിയുടെ നേത്യത്വത്തിൽ രൂപതയിൽ നിന്നുള്ള 60 പരം വൈദികരും നിരവധി സമർപ്പിതരും ഇടവക പ്രതിനിധികളും ഭരണങ്ങാനത്ത് എത്തി ബലിയർപ്പിച്ച് പ്രാർത്ഥിക്കും.കോതമംഗലം രൂപതാ ധ്യക്ഷൻ മാർ ജോർജ് മഠത്തി കണ്ടത്തിലിൻറെ നേതൃത്വത്തിൽ രൂപതയിൽ നിന്നും വൈദിക പ്രതിനിധികൾ തിരുനാൾ ദിവസങ്ങളിൽ ഇവിടെയെത്തും. മലങ്കര സഭയുടെ പ്രതിനിധിയായി മൂവാറ്റുപുഴ രൂപതാ ധ്യക്ഷൻ യൂഹാ ന്നോൻ മാർ തെയഡോഷ്യസും,ലത്തീൻ സഭയുടെ പ്രതിനിധിയായി കൊച്ചി രൂപതയുടെ അധ്യക്ഷൻ മാർ ആൻറണി കാട്ടിപ്പറമ്പിലും വിശുദ്ധ ബലി അർപ്പിച്ച് സന്ദേശം നൽകും.
പിതാക്കന്മാരുടെ സാന്നിധ്യം
ജൂലൈ 19ന് രാവിലെ 11.15ന് മാർക്ക് ജോസഫ് കലറങ്ങാട്ട് കൊടി ഉയർത്തുന്നതോടെ ഈ വർഷത്തെ തിരുനാൾ തിരുകർമ്മങ്ങൾ ഔദ്യോഗികമായി ആരംഭിക്കും.തിരുനാളിന്റെ ഓരോ ദിവസവും ഓരോ പ്രത്യേക വിഭാഗക്കാർക്കായി നിശ്ചയിച്ചു നൽകിയിരിക്കുന്നു. ശിശുക്കൾക്ക് വേണ്ടി പ്രത്യേക
ആശിർവ്വാദ പ്രാർത്ഥന നടത്തുന്ന അൽഫോൻസിയൻ ശിശുദിനം, അധ്യാപികയായിരുന്ന വിശുദ്ധ അൽഫോൻസാമ്മയ്ക്ക് കുട്ടികളെയും അധ്യാപകരെയും സമർപ്പിക്കുന്ന അൽഫോൻസിയൻ ബാലദിനം, സഭയെയും സഭാധികാരികളെയും ഏറെ സ്നേഹിച്ച അൽഫോൻസാമ്മയ്ക്ക് വൈദികരെ സമർപ്പിക്കുന്ന അൽഫോൻസിയൻ വൈദിക ദിനം, പ്രവാസികളായ എല്ലാവർക്കും വേണ്ടി പ്രാർത്ഥിക്കുന്ന അൽഫോൻസിയൻ പ്രവാസി ദിനം, അൽഫോൻസിയൻ കുടുംബദിനം, അൽഫോൻസിയൻ സമർപ്പിത ദിനം, യുവജന ദിനം, അൽഫോൻസാ രോഗിദിനം, അൽഫോൻസിയൻ സഭാ ദിനം എന്നിവയാണ് മറ്റ് നിയോഗങ്ങൾ.
അൽഫോൻസാ സംഗമം
വിശുദ്ധ അൽഫോൻസാമ്മയുടെ പേര് സ്വീകരിച്ചിരിക്കുന്ന സ്ത്രീ പുരുഷന്മാർ നിരവധിയാണ് അതുപോലെ വ്യാപാര സ്ഥാപനങ്ങൾ, വാഹനങ്ങൾ, സ്കൂളുകൾ, കോളേജുകൾ, ആശുപത്രികൾ, ഇടവക വാർഡുകൾ, ഇടവക പള്ളികൾ എന്നിവയും അൽ ഫോൻസാമ്മയുടെ പേരിൽ നിരവധിയുണ്ട് ആസ്ട്രേലിയയിലെ മെൽബൺ രൂപതയുടെ കത്തീഡ്രൽ, കാനഡയിലെ മിസ്സിസാഗാ രൂപതയുടെ കത്തീഡ്രൽ, ഗ്രേറ്റ് ബ്രിട്ടൺ രൂപതയുടെ കത്തീഡ്രൽ, അമേരിക്കയിലെ ചിക്കാഗോ രൂപതയിലെ പ്രധാന ദേവാലയങ്ങളായ അറ്റ്ലാൻറ്റൊ, കൊപ്പേൽ ലോസ് ആഞ്ചലസ്, ലാസ് വെഗാസ് തുടങ്ങിയ പള്ളികളും അൽഫോൻസാമ്മയുടെ പേരിലാണ് സ്ഥാപിച്ചിരിക്കുന്നത്.ജൂലൈ 25 ശനിയാഴ്ച വൈകുന്നേരം 5 മണിക്കുള്ള വിശുദ്ധ കുർബാനയോട് ചേർന്ന് അൽഫോൻസാ നാമധാരികളുടെ സംഗമം ഇവിടെ നടത്തും.
തീർത്ഥാടന ദേവാലയം അടയ്ക്കുന്നില്ല
തിരുനാളിന്റെ പത്തു ദിവസങ്ങളിലും കബറിട ദേവാലയം 24 മണിക്കൂറും തുറന്നിട്ടിരിക്കും. രാത്രികളിൽ ജാഗരണ പ്രാർത്ഥനയ്ക്ക് ഭക്തജനങ്ങളോടൊപ്പം ഭരണങ്ങാനം പ്രൊവിൻസിലെ ക്ലാരിസ്റ്റ് സിസ്റ്റേഴ്സ്, പാലാ അൽഫോൻസാ പ്രോവിൻസിലെ ക്ലാരിസ്റ്റ് സിസ്റ്റേഴ്സ്, ഭരണങ്ങാനം സി എസ് ടി ജനറലേറ്റിലെ സിസ്റ്റേഴ്സ്, കൂടാതെ ഷ്റൈനിലെ അൽഫോൻസാ വോളന്ററ്റിയേഴ്സിൻ്റെ 120 കുടുംബങ്ങളും ജാഗരണ പ്രാർത്ഥനകൾക്ക് എത്തും.
ജപമാല റാലി
തിരുനാൾ നൊവേന നടക്കുന്ന 9 ദിവസങ്ങളിലും വൈകുന്നേരം 6 മണിക്ക് ആഘോഷമായ ജപമാല റാലി നടത്തും. ദീപങ്ങ ളേവ ളേന്തി ആയിരക്കണക്കിന് ജനങ്ങൾ അൽഫോൻസാമ്മയോടൊപ്പം ജപമാല ചൊല്ലി പ്രാർത്ഥിക്കും. ഓരോ ദിവസവും റാലിക്ക് വിവിധ ഭക്തസംഘടനകളും ഇടവകകളും സമർപ്പിത സമൂഹങ്ങ സമൂഹങ്ങളും ജപമാലക്ക് നേത്യത്വം നൽകും. ഷ് റൈനിൽ നിന്നും ആരംഭിച്ച് ഫൊറോനാപള്ളി ചുറ്റിയുള്ള ജപമാല പ്രദക്ഷിണം അനുഗ്രഹ സമ്യദ്ധിയുടെ സമയമാണ്.
വി.ഫ്രാൻസീസിൻറ്റെ വർഷം
2026 വിശുദ്ധ ഫ്രാൻസിസ് അസീസിയുടെ വർഷമായി മാർപാപ്പ പ്രഖ്യാപിച്ചിരിക്കുന്നു. ഫ്രാൻസിസ്കൻ ചൈതന്യത്തിൽ ജീവിച്ച വ്യക്തിയാണ് അൽഫോൻസാമ്മ. അമ്മയെ വാഴ്ത്തപ്പെട്ടവൾ ആക്കിയിട്ട് ഇപ്പോൾ 40 വർഷങ്ങൾ പൂർത്തിയാകുന്നു. ഫ്രാൻസിസ് അസീസി ദിവംഗതനായി 800 വർഷങ്ങൾ പൂർത്തിയാകുന്നു. അതുകൊണ്ട് ഈ വർഷത്തെ തിരുനാളിന് ഫ്രാൻസിസ്കൻസിന്റെയും, ക്ലാരിസ്റ്റ് സഭാംഗങ്ങളുടെയും പ്രത്യേക ഒത്തുചേരലുകൾ തിരുനാൾ ദിവസങ്ങളിൽ ഷ്റൈനിൽ നടത്തും.
അൽഫോൻസാ റീലുകൾ
അൽഫോൻസാമ്മയുടെ ജീവിതത്തിലെ പ്രധാന സംഭവങ്ങൾ, ഭരണങ്ങാനത്തെ ത്തുന്നവർക്ക് കാണുവാൻ സാധിക്കുന്ന പ്രത്യേക സംഗതികൾ എന്നിവ ഉൾപ്പെടുത്തി സുന്ദരമായ റീലുകൾ
തയ്യാറാക്കിയത്, ജൂലൈ മാസത്തിൽ റിലീസ് ചെയ്യുന്നതാണ്.
പുതിയ പുസ്തകങ്ങൾ
വിശുദ്ധ അൽഫോൻസാമ്മയുടെ ജീവചരിത്രം 1949ൽ പാറ്റ്നനിന്നു ഹിന്ദിയിൽ പ്രസിദ്ധീകരിച്ചിരുന്നു. ബ. ഇഗ്നേഷ്യസ് വെള്ളരിങ്ങാട്ട് എസ്. ജെ.യാണ് പ്രേമോത്സ ർഗ്ഗ് എന്ന പേരിൽ ഹിന്ദി സംസാരിക്കുന്നവർക്കായി അൽഫോൻസാമ്മയെ പരിചയപ്പെടുത്തുന്ന ഈ പുസ്തകം രചിച്ചത്. ആദ്യമായി ഈ പുസ്തകത്തിൻറെ മലയാളം പതിപ്പ് സ്നേഹപാരമ്യം എന്ന പേരിൽ ഷൈനിൽ നിന്നും തിരുനാൾ ദിവസങ്ങളിൽ പ്രസിദ്ധീകരിക്കും. സി.ഗ്ലോറി എഫ് .സി.സി. രചിച്ച “പേൾസ് ഓഫ് വിസ്ഡം” എന്ന ഇംഗ്ലീഷ് പുസ്തകവും പ്രകാശനം ചെയ്യും
അൽഫോൻസാ സൂക്തങ്ങളുടെ ആത്മീയ വായനയാണ് ഈ പുസ്തകം അൽഫോൻസാമ്മയുടെ കത്തുകളുടെ പരിഷ്കരിച്ച പതിപ്പും തിരുനാളിനോട് അനുബന്ധിച്ച് പ്രസിദ്ധീകരിക്കും.
വൈദിക വിദ്യാർഥികൾ
വിവിധ സെമിനാരികളിലെ വൈദിക വിദ്യാർഥികൾ തിരുനാൾ ദിവസങ്ങളിൽ ഷ് റൈനിൽ എത്തി പ്രാർഥനകളിൽ പങ്കുചേരും.ഭരണങ്ങാനം എം എസ് ടി ദീപ്തി സെമിനാരി, പാലാ മൈനർ സെമിനാരി, പറത്താനം മാർ എഫ്രേം സെമിനാരി, പാലാ വിൻസെൻഷ്യൻ സെമിനാരി, മൂന്നാംതോട് ചെറുപുഷ്പ സെമിനാരി, ഭരണങ്ങാനം അസീസി സെമിനാരി, തെള്ളകം കപ്പുച്ചിൻ മേജർ സെമിനാരി, കുറവിലങ്ങാട് ക്ലാര റ്റ് ഭവൻ, കോട്ടയം വടവാതൂർ മേജർ സെമിനാരി എന്നിവിടങ്ങളിൽ നിന്നും തീർത്ഥയാത്രയായി അംഗങ്ങൾ എത്തും.
