സംസ്ഥാനത്ത് സാര്വത്രിക ആരോഗ്യ പരിരക്ഷ നടപ്പിലാക്കുന്നതിന് തത്വത്തില് അനുമതി നല്കി ഉത്തരവ് പുറപ്പെടുവിച്ചതായി ആരോഗ്യ വകുപ്പ് മന്ത്രി വീണാ ജോര്ജ്. കാസ്പ്, കാരുണ്യ ബെനവലന്റ് ഫണ്ട്, മെഡിസെപ്പ്,
മറ്റ് ഇന്ഷുറന്സ് പദ്ധതികള് തുടങ്ങിയവയില് ഉള്പ്പെടാത്ത മിസ്സിംഗ് മിഡില് വിഭാഗത്തിന് കൂടി ആരോഗ്യ പരിരക്ഷ ഉറപ്പ് വരുത്തുന്നതിനാണ് പദ്ധതി ആവിഷ്ക്കരിച്ചത്. മുഖ്യമന്ത്രിയുടെ നിര്ദേശ പ്രകാരം കഴിഞ്ഞ ഒരു വര്ഷമായി നടത്തിയ
വിവിധ തലങ്ങളിലുള്ള ചര്ച്ചകളുടേയും പരിശോധനകളുടേയും അടിസ്ഥാനത്തിലാണ് എല്ലാവര്ക്കും ആരോഗ്യ പരിരക്ഷ പദ്ധതിക്ക് സര്ക്കാര് അംഗീകാരം നല്കിയത്. വിഷന് 2031 അവലോകന യോഗങ്ങളിലും ഇത് സംബന്ധിച്ച് ചര്ച്ച നടത്തിയിരുന്നു.
