പാലാ: സാങ്കേതിക വിദ്യയും സംരംഭകത്വവും കൈകോർക്കുന്ന ‘ടെക് ഫോർ ലൈഫ്’ ഇന്നവേഷൻ സമ്മിറ്റിന്റെ ഭാഗമായുള്ള വിപുലമായ പ്രദർശന സ്റ്റാളുകൾ തുറന്നു. മാർ സ്ലീവാ മെഡിസിറ്റി മാനേജിംഗ് ഡയറക്ടർ റവ. ഫാ. മാത്യു തെക്കേൽ എക്സിബിഷൻ സ്റ്റാളുകളുടെ ഉദ്ഘാടനം നിർവഹിച്ചു. കാർഷികം, ആരോഗ്യം, ഊർജ്ജം, റോബോട്ടിക്സ് തുടങ്ങിയ വിവിധ മേഖലകളിലെ നൂതനമായ കണ്ടുപിടുത്തങ്ങളാണ് പ്രദർശനത്തിന്റെ പ്രധാന ആകർഷണം.
പ്രദർശനം: പൊതുജനങ്ങൾക്ക് സൗജന്യ പ്രവേശനം
വിദ്യാർത്ഥികൾക്കും ഗവേഷകർക്കും പുറമെ പൊതുജനങ്ങൾക്കും ഈ വിജ്ഞാനപ്രദമായ പ്രദർശനം കാണാൻ അവസരമുണ്ട്.
- സമയം: രാവിലെ 9.30 മുതൽ വൈകിട്ട് 5.30 വരെ.
- പ്രവേശനം: തികച്ചും സൗജന്യമാണ്.
‘ബിൽഡത്തോൺ 2026’ തുടക്കമായി
സമ്മിറ്റിന്റെ ഭാഗമായി സംഘടിപ്പിച്ച ‘ബിൽഡത്തോൺ 2026’-ന്റെ ഉദ്ഘാടനം കേരള സ്റ്റാർട്ടപ്പ് മിഷൻ ചീഫ് ഓപ്പറേറ്റിങ് ഓഫിസർ ശ്രീ ടോം തോമസ് നിർവഹിച്ചു. കോളേജ് ഡയറക്ടർ റവ. പ്രൊഫ. ഡോ. ജയിംസ് ജോൺ മംഗലത്ത് ചടങ്ങിൽ അധ്യക്ഷത വഹിച്ചു. എഞ്ചിനീയറിംഗ്, മെഡിക്കൽ, മാനേജ്മെന്റ്, സയൻസ് മേഖലകളിൽ നിന്നുള്ള നൂറുകണക്കിന് വിദ്യാർത്ഥികളും സ്റ്റാർട്ടപ്പ് സംരംഭകരും തങ്ങളുടെ നൂതന ആശയങ്ങളുമായി ബിൽഡത്തോണിൽ മാറ്റുരയ്ക്കുന്നുണ്ട്.
ആകർഷകമായ സമ്മാനത്തുക
ബിൽഡത്തോണിലെ മികച്ച ആശയങ്ങളെ കാത്തിരിക്കുന്നത് ലക്ഷങ്ങളുടെ സമ്മാനപ്പൊതിയാണ്:
- ഒന്നാം സമ്മാനം: 2,00,000 രൂപ
- രണ്ടാം സമ്മാനം: 1,00,000 രൂപ
- മൂന്നാം സമ്മാനം: 50,000 രൂപ
പാലാ സെന്റ് ജോസഫ്സ് എൻജിനീയറിംഗ് കോളേജ്, മാർ സ്ലീവാ മെഡിസിറ്റി, സെന്റ് ജോസഫ്സ് ഇൻസ്റ്റിറ്റ്യൂട്ട് ഓഫ് ഹോട്ടൽ മാനേജ്മെന്റ് എന്നിവയുടെ സംയുക്ത ആഭിമുഖ്യത്തിൽ സംഘടിപ്പിച്ചിരിക്കുന്ന ഈ മെഗാ ഇവന്റ് മാർച്ച് 5-ന് സമാപിക്കും.
