പാലാ . വിവിധ അപകടങ്ങളിൽ പരുക്കേറ്റ 3 പേരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. തിരുവനന്തപുരത്തു നിന്നു വൈക്കത്തേക്ക് വന്ന ദമ്പതികൾ സഞ്ചരിച്ച കാറും പെട്രോൾ ടാങ്കർ ലോറിയും കൂട്ടിയിടിച്ച് വൈക്കം സ്വദേശികളായ സതീഷ് കുമാർ ( 52),
സിന്ധു സതീഷ് ( 48) എന്നിവർക്ക് പരുക്കേറ്റു. ഇന്നു പുലർച്ചെയായിരുന്നു അപകടം. പെട്ടി ഓട്ടോറിക്ഷയും കാറും കൂട്ടിയിടിച്ചു ആയാംകുടി സ്വദേശി ഹരിദാസിനു ( 60) പരുക്കേറ്റു. ഇന്നലെ രാത്രി വൈക്കത്തു വെച്ചായിരുന്നു അപകടം. കഴിഞ്ഞ ദിവസം മുണ്ടക്കയത്ത് വച്ച് ഓട്ടോയും ബൈക്കും കൂട്ടിയിടിച്ച് പാമ്പനാർ സ്വദേശി അലൻ ജോഷിക്കും ( 27) പരുക്കേറ്റു.
