രാമപുരം: വിദ്യാർത്ഥികളുടെ ഇംഗ്ലീഷ് , മലയാളം ഭാഷാ നൈപുണ്യവും അക്ഷരവിന്യാസവും പരിപോഷിപ്പിക്കുന്നതിനായി രാമപുരം എസ്.എച്ച്. എൽ.പി സ്കൂൾ കഴിഞ്ഞ ഒരു വർഷമായി സംഘടിപ്പിച്ചു കൊണ്ടിരുന്ന ‘സ്പെല്ലിംഗ് ബീ’ മത്സരത്തിന്റെ (English & Malayalam)ഗ്രാൻഡ് ഫിനാലെ നാളെ (മാർച്ച് 5, വ്യാഴം) നടക്കും. സ്കൂൾ ഓഡിറ്റോറിയത്തിൽ രാവിലെ 10 മണിക്ക് പരിപാടികൾ ആരംഭിക്കും.
മാണി സി. കാപ്പൻ എം.എൽ.എ ചടങ്ങിൽ മുഖ്യാതിഥിയായി പങ്കെടുക്കും. സ്കൂൾ മാനേജർ റവ. ഫാ. ബെർക്കുമാൻസ് കുന്നുംപുറം അധ്യക്ഷത വഹിക്കുന്ന ചടങ്ങിന്റെ ഉദ്ഘാടനം പാലാ അൽഫോൻസാ കോളേജ് അസിസ്റ്റന്റ് പ്രൊഫസറും, പൂർവ്വ വിദ്യാർത്ഥിനിയുമായ
ലെഫ്റ്റനന്റ് അനു ജോസ് നിർവ്വഹിക്കും. മിസ്സ്. ഹണി ഡൊമിനിക് ആണ് മത്സരത്തിലെ ‘വേർഡ് മാസ്റ്റർ’ ആയി നിയന്ത്രിക്കുന്നത്.
വിവിധ ഘട്ടങ്ങളിലായി നടന്ന മത്സരങ്ങളിൽ നിന്ന് തിരഞ്ഞെടുക്കപ്പെട്ട മിടുക്കരായ വിദ്യാർത്ഥികളാണ് ഗ്രാൻഡ് ഫിനാലെയിൽ മാറ്റുരയ്ക്കുന്നത്. വിജയികൾക്ക് ആകർഷകമായ ക്യാഷ് പ്രൈസുകളാണ് ഏർപ്പെടുത്തിയിരിക്കുന്നത്.
സമ്മാനത്തുക:
ഒന്നാം സമ്മാനം: 1501 രൂപ
രണ്ടാം സമ്മാനം: 1001 രൂപ
മൂന്നാം സമ്മാനം: 501 രൂപ
കുട്ടികളിലെ ഭാഷാപരമായ കഴിവുകൾ പ്രോത്സാഹിപ്പിക്കുക എന്ന ലക്ഷ്യത്തോടെയാണ് വിപുലമായ രീതിയിൽ ഇത്തരമൊരു മത്സരം സംഘടിപ്പിച്ചിരിക്കുന്നതെന്ന് സ്കൂൾ ഹെഡ്മിസ്ട്രസ്സ് സി ലിസാ മാത്യൂസ്, പി ടി എ പ്രസിഡൻ്റ് ദീപു സുരേന്ദൻ , പ്രോഗ്രാം കോർഡിനേറ്റർ ജോയൽ ജോയി എന്നിവർ അറിയിച്ചു.
