അഖില കേരള മരിയൻ ക്വിസ് സംഘടിപ്പിച്ചു

ആളൂർ: ഇരിങ്ങാലക്കുട രൂപത സി എൽ സി യുടെ ആഭിമുഖ്യത്തിൽ അഖിലകേരള മരിയൻ ക്വിസ് ‘മരിയൻ 2K22’ നടത്തി. വിവിധ രൂപതകളുടെയും ഇടവകകളുടെയും സാന്നിധ്യം കൊണ്ട് വിപുലമായിരുന്ന മരിയൻ ക്വിസിന്റെ സമാപന സമ്മേളനം ഇരിങ്ങാലക്കുട രൂപതാധ്യക്ഷൻ അഭിവന്ദ്യ മാർ പോളി കണ്ണുക്കാടൻ ഉദ്ഘാടനം ചെയ്തു.

രൂപത സി എൽ സി ഡയറക്ടർ ഫാ. സിബു കള്ളപറമ്പിൽ അധ്യക്ഷത വഹിച്ച ചടങ്ങിൽ അസിസ്റ്റൻറ് ഡയറക്ടർ ഫാ. ചാൾസ് ചിറ്റാറ്റുക്കരക്കാരൻ ആശംസകൾ നേർന്നു. രൂപത സി എൽ സി പ്രസിഡൻറ് ഗ്ലൈജോ തെക്കുടൻ സ്വാഗതവും പ്രോഗ്രാം കോഡിനേറ്റർ ജോസ് ഡേവിസ് നന്ദിയും പറഞ്ഞു.

ഒന്നാം സ്ഥാനം കരസ്ഥമാക്കിയത് പൊറത്തശ്ശേരി ഇടവകാംഗങ്ങളായ റിയ റോസും ആൻറണി ജോസും. രണ്ടാം സ്ഥാനം കരസ്ഥമാക്കിയത് തുമ്പൂർ ഇടവകാംഗങ്ങളായ ടിപ്സി സ്റ്റാൻലി കുന്നത്തും അനു മേജോ ചുണ്ടേപ്പറമ്പിലും. മൂന്നാം സ്ഥാനം കരസ്ഥമാക്കിയത് വെള്ളയനാട് ജിഷ ജിമ്മിയും ജിനി ബാസ്റ്റിനും. കൂടാതെ പങ്കെടുത്ത എല്ലാ ടീമുകൾക്കും പ്രോത്സാഹന സമ്മാനങ്ങൾ നൽകി. രൂപതാ ഡയറക്ടർ ഫാ സിബു കള്ളപ്പറമ്പിൽ, അസിസ്റ്റൻറ് ഡയറക്ടർ ഫാ ചാൾസ് ചിറ്റാട്ടുക്കരക്കാരൻ, ആനിമേറ്റർ സിസ്റ്റർ സായൂജ്യ എഫ് സി സി തുടങ്ങിയവർ നേതൃത്വം നൽകി.