തിരുസഭയിലെ തിളക്കമാര്ന്ന സുവിശേഷ പ്രവര്ത്തകരിൽ ഒരാളായിരിന്നു വിശുദ്ധ ഫ്രാന്സിസ് സേവ്യര്. അദ്ദേഹം ആദ്യ ഏഴ് ജെസ്യൂട്ടുകളില് ഒരാളായി തീര്ന്നു. അവര് വിശുദ്ധ നഗരം സന്ദര്ശിക്കുവാന് തീരുമാനിച്ചെങ്കിലും വെനീസും തുര്ക്കിയും തമ്മിലുള്ള യുദ്ധം കാരണം
അവര്ക്കതിന് സാധിച്ചില്ല. അതിനാല് കുറച്ചു കാലത്തേക്ക് വിശുദ്ധന് പാദുവായിലും, ബൊളോണയിലും റോമിലും തന്റെ പ്രവര്ത്തനങ്ങളുമായി കഴിഞ്ഞു. 1540-ല് ഈസ്റ്റ് ഇന്ഡീസിലെ പോര്ച്ചുഗീസ് അധീനപ്രദേശങ്ങളില് സുവിശേഷ പ്രഘോഷണത്തിനായി വിശുദ്ധ ഇഗ്നേഷ്യസ്
ഇദ്ദേഹത്തെ തിരഞ്ഞെടുത്തു. ഇതേ തുടര്ന്ന് വിശുദ്ധനെ കിഴക്കിലെ രാജകുമാരന്മാര്ക്ക് പരിചയപ്പെടുത്തുന്ന മാര്പാപ്പയുടെ നാല് ഔദ്യോഗിക രേഖകളുമായി വിശുദ്ധന് ലിസ്ബണില് നിന്നും യാത്രതിരിച്ചു. അദ്ദേഹം ഗോവയില് കപ്പലിറങ്ങി. അങ്ങനെ പത്ത് വര്ഷക്കാലം നീണ്ടുനിന്ന വിശുദ്ധന്റെ സുവിശേഷ പ്രഘോഷണ ദൗത്യത്തിന് ആരംഭം കുറിച്ചു.
1551-ല് താന് ഇന്ത്യയില് മതപരിവര്ത്തനം ചെയ്തവരെ സന്ദര്ശിക്കുക എന്ന ലക്ഷ്യത്തോടെ വിശുദ്ധന് വീണ്ടും മലാക്കയിലേക്ക് തിരിച്ചു. അപ്പോള് അദ്ദേഹത്തിന് പുതിയൊരു ഉദ്ദേശവും കൂടിയുണ്ടായിരുന്നു. വിജാതീയരുടെ നാടായ ചൈന. പക്ഷേ അദ്ദേഹത്തിന് അവിടെ
എത്തിപ്പെടുവാന് സാധിച്ചില്ല. സാന്സിയന് ദ്വീപിലെ കാന്റണ് നദീമുഖത്തെത്തിയപ്പോഴേക്കും വിശുദ്ധനു കലശലായ പനി പിടിക്കുകയും. ചുട്ടുപൊള്ളുന്ന മണലില് ഉപേക്ഷിക്കപ്പെടുകയും ചെയ്തു. എന്നാല് ആള്വാറസ് എന്ന പാവപ്പെട്ട മനുഷ്യന് വിശുദ്ധനെ കാണുകയും തന്റെ കുടിലിലേക്ക്
കൊണ്ടു പോവുകയും ചെയ്തു. പ്രാര്ത്ഥനകള് ചൊല്ലികൊണ്ട് രണ്ടാഴ്ചയോളം വിശുദ്ധന് അവിടെ ജീവിച്ചിരുന്നുവെങ്കിലും പിന്നീട് മരണമടഞ്ഞു. മരിക്കുമ്പോഴും അദ്ദേഹത്തിന്റെ ദൃഷ്ടികള് തന്റെ ക്രൂശിതരൂപത്തില് ആയിരുന്നു. ഒരു ഇടുങ്ങിയ കല്ലറയില് അദ്ദേഹത്തെ അടക്കം ചെയ്തു.
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/DX6BuBLs9Yg85MLxY1e0gg
പാലാ വിഷൻ വാട്സ്ആപ്പ് ചാനൽ
https://whatsapp.com/channel/0029VaOkK347dmeU81dBvf2X
പാലാ വിഷൻ ഇൻസ്റ്റാഗ്രാം
https://www.instagram.com/pala.vision
വിഷൻ യൂ ട്യൂബ് ചാനൽ
https://youtube.com/@palavision
പാലാ വിഷൻ വെബ്സൈറ്റ്
http://pala.vision
മൂന്ന് മാസത്തിനു ശേഷം കല്ലറ തുറന്നു നോക്കിയപ്പോള് അദ്ദേഹത്തിന്റെ മൃതദേഹം യാതൊരു കോട്ടവും തട്ടാതെയും അഴുകാതെയും ഇരിക്കുന്നതായി കാണപ്പെട്ടു. ഇത് പിന്നീട് ഗോവയിലേക്ക്
കൊണ്ട് വന്നു. ഇപ്പോഴും ഇത് അവിടെ സൂക്ഷിച്ചിരിക്കുന്നു. വിശുദ്ധ പിയൂസ് പത്താമന് മാര്പാപ്പാ വിശുദ്ധ ഫ്രാന്സിസിനെ വിദേശ സുവിശേഷക ദൗത്യങ്ങളുടേയും എല്ലാ സുവിശേഷക പ്രവര്ത്തനങ്ങളുടേയും മദ്ധ്യസ്ഥനായി പിന്നീട് പ്രഖ്യാപിച്ചു.
