ഗോളടിയിൽ റെക്കോർഡിട്ട് ഹാളണ്ട്

ഇംഗ്ലീഷ് പ്രീമിയർ ലീഗിൽ ഏറ്റവും വേഗത്തിൽ 20 ഗോളുകൾ നേടിയ താരമായി മാഞ്ചസ്റ്റർ സിറ്റി സ്ട്രൈക്കർ എർലിങ് ഹാളണ്ട്. 14 മത്സരങ്ങളിൽ നിന്നാണ് ഹാളണ്ട് 20 ഗോൾ നേടിയത്. ലീഡ്സിനെതിരെ ഇന്നലെ നേടിയ ഇരട്ട ഗോളുകളാണ് ഹാളണ്ടിനെ പുതിയ റെക്കോർഡിലേക്ക് എത്തിച്ചത്. 21 മത്സരങ്ങളിൽ നിന്ന് 20 ഗോളുകൾ നേടിയ കെവിൻ ഫിലിപ്സിന്റെ പഴയ റെക്കോർഡാണ് ഹാളണ്ട് തിരുത്തിയത്. സിറ്റിയുടെ വജ്രായുധമാണ് ഹാളണ്ട്.