പാപ്പായുടെ നാല്പത്തിരണ്ടാം വിദേശ അപ്പൊസ്തോലിക പര്യടനവും മുപ്പത്തിയേഴാം ലോക യുവജനദിനാചരണവും ലിസ്ബണിൽ.
ആഗസ്റ്റ് ഒന്നിന് പോർച്ചുഗലിലെ ലിസ്ബണിൽ ആഗോള കത്തോലിക്ക യുവത്വത്തിൻറെ ആഘോഷത്തിന് തിരിതെളിഞ്ഞു. ഈ യുവജനസംഗമത്തോടനുബന്ധിച്ച്, പാപ്പായുടെ നാല്പത്തിരണ്ടാം വിദേശ അപ്പൊസ്തോലിക പര്യടനത്തിന് തുടക്കമായി. രൂപതാതലത്തിൽ അനുവർഷവും ആഗോള കത്തോലിക്കാസഭാ തലത്തിൽ സാധാരണഗതിയിൽ രണ്ടുവർഷം കൂടുമ്പോഴോ, അല്ലെങ്കിൽ പ്രത്യേക സാഹചര്യങ്ങൾ മൂലം അതിൽ കൂടുതൽ ഇടവേളനല്കിയോ, ആചരിക്കുന്ന ലോക യുവജനസംഗമത്തിന് ഇത്തവണ ആതിഥ്യമരുളുന്ന ലിസ്ബണിൽ ഫ്രാൻസീസ് പാപ്പാ രണ്ടാം തീയതി ബുധനാഴ്ച എത്തി. ഇക്കൊല്ലം ആചരിക്കപ്പെടുന്നത് മുപ്പത്തിയേഴാം ലോക യുവജനദിനം ആണ്. പോർച്ചുഗലിൻറെ തലസ്ഥാനമായ ലിസ്ബൺ ആണ് ആഗസ്റ്റ് 1-6 വരെ നടക്കുന്ന ഈ ദിനാചരണത്തിൻറെ വേദി ഇത്തവണ. കഴിഞ്ഞ പ്രാവശ്യം, അതായത്, 2019- ജനുവരിയിൽ ഇത് പാനമയിൽ ആയിരുന്നു അരങ്ങേറിയത്. ലോകയുവജന സംഗമത്തോടനുബന്ധിച്ചുള്ള ഈ യാത്രയിൽ ഫാത്തിമാ നാഥയുടെ പവിത്ര സന്നിധാനത്തിലും പാപ്പാ എത്തും. ആഗസ്റ്റ 2-6 വരെ നീളുന്ന പഞ്ചദിന ഇടയസന്ദർശനം എന്നു പറയാമെങ്കിലും സന്ദർശന ദൈർഘ്യം നാലു ദിവസവും പതിനാലിലേറെ മണിക്കൂറും ആണ്. ഈ യാത്രയിൽ പാപ്പാ കര-വ്യോമ മാർഗ്ഗങ്ങളിലൂടെ 4149 കിലോമീറ്റർ ദൂരം സഞ്ചരിക്കും 12 പ്രഭാഷണങ്ങൾ നടത്തും
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/IQxWMj8ftCQ3njOB5QBPG5
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
