6 രാജ്യങ്ങളിൽ നിന്നെത്തുന്നവർക്ക് കൊവിഡ് പരിശോധന നിർബന്ധം

കൊവിഡ് മുൻകരുതലിന്റെ ഭാഗമായി ആർടിപിസിആർ പരിശോധന നിർബന്ധമാക്കി കേന്ദ്ര സർക്കാർ. ചൈന, ഹോങ്കോങ്, ജപ്പാൻ, ദക്ഷിണ കൊറിയ, സിംഗപ്പൂർ, തായ്ലൻഡ് എന്നീ രാജ്യങ്ങളിൽ നിന്ന് എത്തുന്നവർ നിർബന്ധമായും ആർടിപിസിആർ പരിശോധന നടത്തി എയർ സുവിധയിൽ അപ്ലോഡ് ചെയ്യണം. ജനുവരി 1 മുതൽ ഈ സർട്ടിഫിക്കറ്റില്ലാത്തവർക്ക് ഇന്ത്യയിൽ പ്രവേശനം നൽകില്ലെന്നും ആരോഗ്യ മന്ത്രാലയം അറിയിച്ചു.