ഉത്തരേന്ത്യയിൽ അതിശൈത്യം; വണ്ടിയോടിക്കുന്നവർ സൂക്ഷിക്കണം

ദില്ലി ഉൾപ്പെടെ പലയിടത്തും ഏറ്റവും കുറഞ്ഞ അന്തരീക്ഷ താപനില 5 ഡിഗ്രിയായി. കനത്ത മൂടൽമഞ്ഞ് ഉത്തരേന്ത്യൻ സംസ്ഥാനങ്ങളിലെ റെയിൽ – റോഡ് ഗതാഗതത്തെ ബാധിച്ചു. ഇന്നലെ 12 ട്രെയിൻ സർവീസുകളാണ് മൂടൽമഞ്ഞിനെ തുടർന്ന് വൈകിയത്. പഞ്ചാബിൽ കാഴ്ചപരിധി വല്ലാതെ കുറഞ്ഞു. വാഹനങ്ങളുടെ വേഗത കുറക്കണമെന്ന് കാലാവസ്ഥ നിരീക്ഷണ കേന്ദ്രം നിർദ്ദേശിച്ചു. പുതിയ ശൈത്യതരംഗം ആരംഭിച്ചതിനാൽ ഉത്തരേന്ത്യൻ സംസ്ഥാനങ്ങളിൽ ഇനിയും തണുപ്പ് കൂടും.