കൊച്ചി: കൊച്ചി മെട്രോയുടെ പേര് മാറ്റുന്നതുമായി ബന്ധപ്പെട്ട വിവാദങ്ങളിൽ വിശദീകരണവുമായി കെ.എം.ആർ.എൽ (KMRL). പേര് മാറ്റാൻ കേന്ദ്ര നിർദേശമുണ്ടെന്ന വാർത്ത തെറ്റാണെന്നും കേന്ദ്രത്തിന്റെ ഭാഗത്ത് നിന്ന് അത്തരം നിർദേശങ്ങളൊന്നും വന്നിട്ടില്ലെന്നും കെ.എം.ആർ.എൽ
വാർത്താക്കുറിപ്പിൽ അറിയിച്ചു. കൊച്ചി മെട്രോ എന്ന പേര് തന്നെ തുടരുമെന്നും സംസ്ഥാന സർക്കാരിന്റെ പൂർണ്ണ സമ്മതത്തോടെ മാത്രമേ ഏതൊരു തീരുമാനവും ഉണ്ടാകൂ എന്നും അധികൃതർ വ്യക്തമാക്കി.
അതേസമയം, കൊച്ചി മെട്രോയുടെ പേര് മാറ്റുന്ന കാര്യം സർക്കാരിന്റെ പരിഗണനയിലില്ലെന്ന് മുഖ്യമന്ത്രി വി.ഡി. സതീശൻ വ്യക്തമാക്കി. പറവൂരിൽ ‘പുനർജനി’ പദ്ധതിയുടെ ഭാഗമായി വീടിന് തറക്കല്ലിട്ട ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. പേര് മാറ്റത്തെക്കുറിച്ച് സർക്കാരിൽ യാതൊരു ആലോചനയും നടന്നിട്ടില്ല. കെ.എം.ആർ.എൽ പുറത്തിറക്കിയത് ഏകപക്ഷീയമായ പത്രക്കുറിപ്പായിരുന്നുവെന്നും സർക്കാർ എപ്പോഴും ജനങ്ങൾക്കൊപ്പമാണെന്നും അദ്ദേഹം പറഞ്ഞു. ക്ഷേമ പെൻഷനുകൾ നേരത്തെ തന്നെ വിതരണം ചെയ്യുമെന്നും മെസ്സിയുടെ കേരള സന്ദർശനവുമായി ബന്ധപ്പെട്ട വിഷയത്തിൽ ഉടൻ തീരുമാനമുണ്ടാകുമെന്നും മുഖ്യമന്ത്രി കൂട്ടിച്ചേർത്തു.
