ബെംഗളൂരുവിൽ നിന്ന് കാസർഗോഡേയ്ക്ക് സർവീസ് നടത്തുകയായിരുന്ന കെ.എസ്.ആർ.ടി.സി ബസിന് നേരെ കർണാടകയിൽ വെച്ച് അജ്ഞാത സംഘത്തിന്റെ മുട്ടയേറ്. സംഭവത്തിൽ അട്ടിമറി സാധ്യതകൾ ഉൾപ്പെടെ പരിശോധിച്ചു സമഗ്രമായ അന്വേഷണം നടത്താൻ ഗതാഗത മന്ത്രി സി.പി. ജോൺ കെ.എസ്.ആർ.ടി.സിക്ക് നിർദേശം നൽകി.
കർണാടകയിലെ ബിഡദി എന്ന സ്ഥലത്തുവെച്ചായിരുന്നു സംഭവം. ഓടിക്കൊണ്ടിരുന്ന ബസിന്റെ മുൻവശത്തെ ഗ്ലാസിലേക്ക് അജ്ഞാതർ മുട്ടയെറിയുകയായിരുന്നു. ഡ്രൈവറുടെ കാഴ്ച തടസ്സപ്പെടുത്തി ബസ് അപകടത്തിൽപ്പെടുത്തുക എന്ന ലക്ഷ്യത്തോടെയാണ് ആക്രമണം നടത്തിയതെന്ന സംശയത്തെ തുടർന്നാണ് അട്ടിമറി സാധ്യത പരിശോധിക്കാൻ മന്ത്രി നിർദേശം നൽകിയത്. സംഭവത്തിന് പിന്നിൽ ഗൂഢാലോചനയുണ്ടെന്ന സംശയത്തെ തുടർന്ന് കെ.എസ്.ആർ.ടി.സി ബിഡദി പൊലീസ് സ്റ്റേഷനിലും കർണാടക ഡി.ജി.പിക്കും പരാതി നൽകിയിട്ടുണ്ട്.
