ബെല്ജിയത്തെ വീഴ്ത്തി സ്പെയിന് ഫിഫ ലോകകപ്പ് സെമി ഫൈനലില്. ഒന്നിനെതിരെ രണ്ട് ഗോളുകള്ക്കാണ് സ്പാനിഷ് പടയുടെ ജയം. സെമി പോരാട്ടത്തില് കരുത്തരായ ഫ്രാന്സാണ് എതിരാളികള്. തിരക്കഥയില് മാറ്റമില്ല. പാസുകളുടെ പെരുമഴ തീര്ത്താണ് സ്പെയിന് കളം
നിറഞ്ഞത്. മത്സരത്തിലുടനീളം തൊണ്ണൂറ്റിയൊന്ന് ശതമാനം കൃത്യതയോടെ സ്പാനിഷ് നിര കൈമാറിയത് 663 പാസുകളായിരുന്നു. പരുക്കേറ്റ പെഡ്രിക്ക് പകരം ആദ്യ ഇലവനില് സ്ഥാനം പിടിച്ച ഫാബിയാന് റൂയിസിലൂടെ മുപ്പതാം മിനിറ്റില് ആദ്യ ഗോള് നേടി. ജെറമി ഡോക്കുവിലൂടെ
ബെല്ജിയം നടത്തിയ കൗണ്ടര് അറ്റാക്കുകള് എല്ലാം സ്പാനിഷ് പ്രതിരോധത്തില് തട്ടി തെറിച്ചു. എന്നാല് 41ആം മിനിറ്റില് കെറ്റലെരെയുടെ തകര്പ്പന് ഹെഡര് ഗോളിലൂടെ ബെല്ജിയം സമനില പിടിച്ചു.
