ഐക്യരാഷ്ട്രസഭയുടെ 17 പ്രത്യേക ഏജൻസികളിൽ ഒന്നാണ് ഭക്ഷ്യ കാർഷിക സംഘടന ( ഭക്ഷ്യ കാർഷിക സംഘടന) അഥവാ എഫ്.എ.ഒ. പട്ടിണി ഇല്ലാതാക്കുവാൻ വേണ്ടിയുള്ള അന്താരാഷ്ട്രതല പരിശ്രമങ്ങൾക്ക് നേതൃത്വം വഹിക്കുന്ന സുപ്രധാന സംഘടനയാണിത്.
ഭക്ഷ്യ കാർഷിക സംഘടനയുടെ (എഫ്എഒ) ഡയറക്ടർ ജനറലിന് അയച്ച സന്ദേശത്തിൽ, 2023 ലെ ലോക ഭക്ഷ്യ ദിനത്തിൽ ആഗോള ഭക്ഷ്യ അരക്ഷിതാവസ്ഥയും ജലക്ഷാമവും പരിഹരിക്കേണ്ടതിന്റെ അടിയന്തര ആവശ്യകത ഫ്രാൻസിസ് പാപ്പാ എടുത്തുപറഞ്ഞു.ജലം മനുഷ്യന്റെ മൗലികാവകാശമായും ജീവിതത്തിനും നിലനിൽപ്പിനും കാർഷിക ഉൽപാദനത്തിനും അത്യന്താപേക്ഷിതമായ ഘടകമായും അംഗീകരിക്കേണ്ടതിന്റെ പ്രാധാന്യവും പാപ്പാ ഊന്നിപ്പറഞ്ഞു.
ഒഴിവാക്കലുകളില്ലാതെ മനുഷ്യവികസനത്തെ നിലനിർത്തിക്കൊണ്ട് എല്ലാവർക്കും ശുദ്ധജലം ലഭ്യമാക്കാൻ കഴിയുമെന്ന് ഉറപ്പാക്കാൻ വിവേകപൂർണ്ണവും ശ്രദ്ധാപൂർവ്വവും സുസ്ഥിരവുമായ ജല മാനേജ്മെന്റിന് പാപ്പാ ആഹ്വാനം ചെയ്തു. കാർഷിക ജലസേചനത്തിലെ ജലം പാഴാകുന്നത് തടയുന്നതിനും കീടനാശിനികളിൽ നിന്നും വളങ്ങളിൽ നിന്നുമുള്ള ജലമലിനീകരണം കുറയ്ക്കുന്നതിനും സമൂഹങ്ങളും രാഷ്ട്രങ്ങളും തമ്മിലുള്ള സംഘർഷം തടയുന്നതിന് ജലസ്രോതസ്സുകൾ സംരക്ഷിക്കുന്നതിനും ഫലപ്രദമായ പരിപാടികൾ നടപ്പാക്കേണ്ടതിന്റെ ആവശ്യകതയും അടിവരയിടുന്ന സന്ദേശത്തിൽ ഭക്ഷ്യസുരക്ഷയിൽ ജലത്തിന്റെ നിർണായക പങ്ക് പാപ്പാ ഊന്നിപ്പറഞ്ഞു
വാർത്തകൾ വാട്സ് ആപ്പിൽ അതിവേഗമറിയാൻ ഈ ലിങ്കിൽ ക്ലിക്ക് ചെയ്ത് ജോയിൻ ചെയ്യുക
https://chat.whatsapp.com/IQxWMj8ftCQ3njOB5QBPG5
വാർത്തകൾ പാലാ വിഷനിൽ വായിക്കുവാൻ ഇവിടെ ക്ലിക്ക് ചെയ്യുക
Website pala.vision
പാലാ വിഷൻ യൂ ട്യൂബ് ചാനൽ SUBSCRIBE ചെയ്യുക
https://youtube.com/@palavision
.
